وزيرة الهجرة عن واقعة فرش المعدية بـ"سجاد": ‎"ولاد بلد مش فاضيين يفتوا"

عقّبت السفيرة نبيلة مكرم عبدالشهيد، وزيرة الهجرة، على سخرية رواد مواقع التواصل الاجتماعي، بفرش أهالي قرية الفرستق بمحافظة الغربية، سجاد على معدية خشبية لتسهيل عبور الوزيرة لأحد مصانع الدهانات خلال جولة تفقدية في القرى الأكثر تصديرًا للهجرة غير الشرعية.

‎ووصفت مكرم، عبر صفحتها الشخصية على موقع التواصل "فيس بوك"، حقيقة ما حدث من الأهالي ب"ولاد بلد"، قائلة: "انا وزيرة الهجرة إللى زرت النهارده اربع قرى فى محافظة الغربية وكنت سعيدة انى قدرت اروح اكلم مع الناس الجدعة إللى شغالة وهم كمان كانوا سعداء انهم شافوا مسؤول جيه لغاية عندهم..ما تعبناش وقلنا كفاية قرية واحده لا كنا فرحانين وعايزين نعرف محتاجين ايه علشان نساعدهم".

‎وتابعت: "ولما خلصنا الزيارات قعدنا كلنا انا والمحافظ والناس الجدعة إللى نزلت معايا من البنك المركزى وبرنامج التعليم الفنى وجهاز المشروعات الصغيرة والمتوسطة والمجلس القومى للمرأة، علشان نحط خطة الدعم إللى ممكن نقدمها لولاد القرى دول".

‎ووجهت رسالة لمن يتصيد الهفوات قائلة: "الناس إللى بتتعب كل يوم واللى مش فاضية تعد تفتى وتتنظر...رجالة بمعنى الكلمة وعلشان كده احنا روحنالهم نساعد وندعم، الناس دى مش منافقة الناس دى كريمة ولاد بلد مرحبة بالوزيرة إللى نزلت مع ناس غيرها تسال عنهم بتوجيهات من رئيس دولة عايز ينمى قراهم".

وسخر نشطاء من استقبال الوزيرة بفرش المعدية بالسجاد، خلال زيارتها للقرية ضمن اطلاق المرحلة الثالثة لمبادرة "مراكب النجاة"، وقال أحدهم: "دي وزيرة الهجرة، فرشوا لها سجاد علشان تعدي من فوق القنطرة، مش عايزة تعيش الواقع ولو لثواني العنصرية أسلوب حياة".

وتعود أصل الصورة، حينما توجهت مكرم، إلى إحدى مصانع الدهانات لمتابعة سير العمل بها ودورها في مكافحة الهجرة غير الشرعية بالقرية، وكان المصرف عائق بين دخول سيارة الوزارة المخصصة، فتم وضع معدية من خشب وفرشها بالسجاد، وتم وضع سجاد على المعدية الخشبية لتمهيد المعدية لعبور الوزيرة فوقها، ترحيبًا بالوزيرة كنوع من كرم الضيافة.