كشف الهضبة عمرو دياب خلال مداخلة هاتفية، أمس السبت، مع الإعلامي عمرو أديب ببرنامج الحكاية، عن علاقته بالفنانة دينا الشربيني وهدايا الفلانتين بينهما.
وخلال المداخلة وجه الإعلامي عمرو أديب، سؤالا إلى الفنان عمرو دياب، قائلا: "كل الناس عايزة تعرف عمرو دياب جاب إيه لدينا الشربيني في الفالنتين، ودينا جابتله إيه".
ليرد عليه الهضبة قائلا: "دينا الشربيني جابتلى حاجة جميلة جدًا، إنها بتعرف تخليني أطلع إنتاج كويس في شغلى، وده أهم حاجة عندي".
ورد "أديب" بعد استنكار عمرو دياب عن الهدية، "يعني هدية دينا أنها بتخليك تطلع إنتاج كويس.. طب أنت جبتلها إيه، ليرد عمرو دياب ضاحكًا: "اسألها أنت".
وفي الساعات الماضية طرح دياب ألبومه الجديد "سهران" وتقول كلمات الأغنية: انتي لسه زي ما انتي قمر في عيني، أحلى عمر ده اللي كان بينك وبيني وأما تيجي في الكلام سيرتك بقول دي حبيبتي وهي دي بنت الأصول، مستحيل أقبل في حقك أي كلمة، إنتي أعلى منهم فوق.. زي ما انتي انتي عندي زي ما انتي الغلاوة هي هي والمشاعر متدارية".
بـ زي ما انتي .. هل الهضبة يقصد زوجته زينة أم طليقته الفنانة شيرين رضا؟
وقد أثار الهضبة عمرو دياب الساعات الماضية حالة من الجدل فور طرح أغنيته الأخيرة "زي مانتي"، حيث تساءل رواد السوشيال ميديا بأنه هل يقصد زوجته زينة أم طليقته الفنانة شيرين رضا.
فبعد هذه التكهنات حسم الهضبة عمرو دياب الجدل، ونشر صورة جديدة تجمعه بالفنانة دينا الشربيني احتفالا بعيد الحب ، وذلك من خلال حسابه الشخصي بموقع الصور والفيديوهات "انستجرام"، وعلق الهضبة على الصورة "happy valentine's day" زي ما أنتي.
أغنية "زي ما انتي"
أغنية "زي ما انتي" من ألحان عزيز الشافعي، ليضع بصمته على الأغنية من التأليف والتلحين معأً.
انتى لسه زي ما انتي قمر في عيني
احلى عُمر ده اللى كان بينك وبيني
واما تيجي في الكلام سيرتك بقول
دي حبيبتي الغالية دي بنت الأصول
مستحيل أقبل في حقك أي كلمة
انتي أعلى منهم فوق انتي نجمة
واللى بيسأل عليكي بقول دي نعمة
مستحيل أوصف جمالك مهما أقول
زي ما انتي انتي عندي زي ما انتي
الغلاوة هي هي والمشاعر مدارية
ده انتي سايبه جوه قلبى ذكري حلوة
لسه صوتك بسمعه في وداني غنوة
الحقيقة أن الحياة بعدك ما تسوي
حبي ليكي في البعد يقوي
سيبك انتي عاملة ايه وازيك انتي
دي الغلاوة هي هي والمشاعر مدارية
زي ما انتي انتي عندي زي ما انتي
الغلاوة هي هي والمشاعر مدارية
زي ما انتي انتي عندي زي ما انتي
الغلاوة هي هي والمشاعر مدارية
تابعوا أخبار بلدنا اليوم على Google News
