سخر الفنان محمد رمضان من أزمة الطيار المفصول، عبر حسابه الخاص بموقع تبادل الصور والفيديوهات الشهير "إنستجرام"، حيث قام بنشر فيديو ظهر من خلاله داخل غرفة عمليات وبطنه مكشوفة وبها آثار خياطة عقب عملية جراحية، إلا إنه عندما وصلت الكاميرا إلى وجهه، فتح عينيه: "الدكتور اللي صورني وقفوه عن العمل مدى الحياة".
أثار الفيديو الجدل بين الجمهور الذي ظن أن رمضان يسخر من أزمة الطيار الموقوف عن العمل بسببه، وانتقد الفنان وائل عبد العزيز تصرف محمد رمضان حيث نشر صورة من الفيديو عبر حسابه الخاص على "الفيسبوك" وكتب: " يا ابني أنت بتعمل كده ليه، ناقصك إيه عشان تبقي بالدماغ دي، ربنا اداك نعمة وحب الناس وقبول، وأنا اشتغلت معاك ابن حلال مكنتش كده خالص وكنت ابن بلد وجدع وكنا صحاب وأكلت معاك عيش وملح كتير وليك علّيا إني أنصحك".
تابع: "وهقولك الكلام ده هنا لأنك مختفي عننا وعن زمايلك كلهم وبردو منعرفش السبب، أنت فاهم معني الكلام الي أنت كاتبه ده إيه؟ إنك بتستهزأ وتشفى في بني آدم خسر شغله بسببك ولو حتي بتتريق على الناس اللي فصلته كلتا الحالتين مش صح، أنت ليه حابب تكره الناس فيك، إيه الحلو في اللي أنت بتعمله ده عايز أفهم".
أضاف وائل عبد العزيز: " ما تركز في شغلك ونجاحك وتمثيلك بدل الهبد ده عيب يا محمد يا رمضان عيب وروح راضي الراجل ده عشان الناس تحترمك، الراجل غلط وأنت كمان، بس وقوفك جنبه هيغير كتير عند الناس صدقني ومش عيب يبقى ليك مستشار إعلامي يقولك تكتب إيه وإيه لا عشان في كلام مينفعش يتقال يا محمد".
تابعوا أخبار بلدنا اليوم على Google News
