شريف رمزي يحي ذكرى وفاة والده عبر "إنستجرام"

أحيا الفنان شريف رمزي الذكرى الخامسة لوفاه والده محمد حسن رمزي، من خلال حسابه الشخصي بموقع الصور والفيديوهات الشهير"انستجرام".

وكتب شريف رمزي :" اليوم ١٣/١/٢٠٢٠ هو الذكرى الخامسة لوفاة والدي محمد حسن رمزي طبعاً أنا معرفش إزاي عدت خمس سنين بحالهم من غيره".

وتابع، "ولازم أفكر كل الناس اللي لسه أبوهم في حياتهم إنهم يستمتعوا بوجوده وحنانه و سنده وعطائه و يحاولوا يقضوا معاه أطول فترة في حياته لأنه لما بيروح مفيش أي شخص في الدنيا ممكن يعوضه و للأسف الموضوع ده مش هيفهموه أو يحسه بيه إلا لما بيفقدوه ساعتها بس بيحسوا بأهميته و تأثيره في حياتهم ربنا يرحمك يا أبويا و يدخلك فسيح جناته فردوسه الأعلي و يجمعني بيك علي خير يا رب".

شريف رمزى من عائلة فنية، فوالده المنتج الراحل محمد حسن رمزى وجده هو المخرج والمنتج والكاتب الكبير حسن رمزى مؤسس شركة أفلام النصر، والذى كان أول رئيس لغرفة صناعة السينما المصرية، أما عمته فهى الفنانة المعتزلة هدى رمزى، وجده لوالدته الفنان الراحل صلاح ذو الفقار.