"هند" تخلع زوجها: "ضربني عشان 3 جنيه"

تزداد يوميًا دفاتر قضايا الأسرة التي تحويها ملفات المحاكم، والتي نقش بداخلها العديد من القصص المختلفة ما بين المأساة على الحياة المريرة التي يعيشون فيها، والقصص المثيرة للجدل التي تثير الضحك والسخرية، بسبب أسبابها ، فمن بين العديد من السيدات اللاتي لجأن إلى قاضي الأسرة في محكمة سمنود بمحافظة الغربية، كانت "هند ع" البالغة من العمر 29 ربيعًا، مطالبة من الخلع من زوجها.

وقفت الزوجة العشرينية أمام قاضي الأسرة تسرد تفاصيل حياتها والسبب راء مجيئها إلى هنا قائلة: "كان سايب 3 جنيه في الكوميدينو جمب السرير برا المحفظة، وأنا حاطة حاجة بجمع فيها الكوينز كلها لو بيشتري حاجة ولا محتاجة فكة باخد منهم، المهم خدت الـ3 جنيه حطيتهم فيها، جوزي صحي قالي أنتي خدتي فلوس من محفظتي قولتله لا مش متخيلة أنه بيسأل على الـ3 جنيه، أنا فاكرة أنه بيسأل على مبلغ كبير".

"شيماء" تخلع زوجها: "مش عايز يخلف مني"

وتابعت هند حديثها: "في اليوم دا أول ما قولتله لا مخدتش منك فلوس من أمتى وأنا بفتح محفظتك من غير ما أقولك، لسه مكلمتش كلامي لقيته بيضرب فيا بغباء لحد ما نزفت دم، وجرجرني برا الشقة، وسب وشتيمة بأقذر الألفاظ، ويقولي بصوت عالي يا حرامية، قدام الجيران كلهم.

وأضافت: "قعد يقول أنا كل يوم بلاقي الفلوس بتقل ومعرفش بتروح فين، وأما بعدهم بنسي، فسيبت 3 جنيه جمب المحفظة عشان أعرف انتي بتاخدي مني فلوس ولا لأ، وفعلا خدتيهم يبقي الفلوس اللي بتتاخد كل يوم دي أنتي اللي بتسرقيهم، حاولت أفهمه إن 3 جنيه إيه اللي هسرقهم ولا هعمل بيهم إيه أصلا، بس هو كان بيتلكك عشان يضربي ويطردني من البيت، وبفضيحة قدام الجيران، وطبعا محدش فاهم إن كل دا عشان حاجة عبيطة".

عالم أزهري: تحويل طلاق الضرر لـ خلع يظلم المرأة

وأشارت: "قالي هو أنا هطلقك بالساهل كدا لازم أمرمطك في المحاكم، أنا رفعت خلع عشان أخلص منه بسرعة، لأن الطلاق بيطول وبيقعد سنين وأنا مش قادرة أبص في وشه".