"القرآن منعنا من اتباع المرشد".. خالد الجندي: "عايز أُُقبل بيادة كل دكر في جيشنا"

وجه الدكتور خالد الجندي، عضو المجلس الأعلى للشئون الإسلامية بوزارة الأوقاف، رسالة قوية لكل من فرطوا وباعوا وانقلبوا على أوطانهم، قائلا: "يجمع بينهم الغباء، مش ممكن يكونوا أذكياء".

وأضاف الجندي، خلال تقديمه برنامج "لعلهم يفقهون"، المذاع عبر فضائية "دي إم سي": "اللي يفرط في وطنه وأرضه ودينه وشعبه وناسه، مش ممكن يكون ذكي"، متابعا: "الدين الإسلامي مبني على الذكاء والانتباه، والقرآن الكريم منع المسلمين من أن يمشوا وراء أمير أو مرشد أو شيخ وهم معميًون، فلابد أن يكون المسلم على بصيرة ونور وضياء، معندناش في الإسلام حاجة كده غُميضي، ومفيش حد بعد رسول الله كلامه مقدس، فكل إنسان يؤخذ منه ويرد إلا رسول الله صلى الله عليه وسلم، كل الدنيا زائلة ولن تبقى لك إلا الكلمة السديدة، التي لا يترتب عليها إراقة دماء".

وتابع عضو المجلس الأعلى للشئون الإسلامية بوزارة الأوقاف: "في حوالينا دول اُخطتفت، وتقسًمت، وفيها 80 طائفة تتناحر مع بعضها، ودول تعرضت للانتهاك، ودول أصبحت العش الرسمي للإرهاب في المنطقة، ولما تشوف بلدك مصر بهذا التماسك والقوة، بتبقى عايز تروح تُقبل بيادة كل رجل دكر محترم واقف على الحدود، الرجال الأوفياء اللي واقفين بصدورهم عشان يمنعوا الوطن من التفتيت أو التقسيم أو التجزئة أو التناحر، فلهم كل التحية والسلام".