قال اللواء هاني غنيم رئيس المركز المصري للدراسات، إن الرئيس عبد الفتاح السيسي كرم أبطال مسلسل الاختيار للمرة الثانية، لأن الفن له دور مهم في وعى المواطنين.
وأضاف اللواء هاني غنيم، خلال مداخلة هاتفية ببرنامج "مصر الأصل" المذاع على قناة "الحدث اليوم"، تقديم الإعلامي أحمد دياب، أن القوى الناعمة فى أي مكان يكون لها تأثير على المجتمع، مؤكدًا أن قنوات الشر والجماعات الإرهابية تقوم بنشر أشياء كاذبة عن مصر ولكن هذه الأعمال تظهر الحقيقة.
وأوضح أن تكريم اليوم تكريم مشرف، ومستحق لأبطال العمل الفنى الهادف.
كان الرئيس عبد الفتاح السيسى قد قدم الشكر لأسرة مسلسل الاختيار قائلا: "الشكر ليكم مش على الجهد اللى بذلتوه، على الفكرة اللي قدمتوها كانت رائعة وعظيمة، وعاوز أقولكم أن احنا خلال سنين كتيرة من تناول إعلامى لموضوعات بتتم فى سيناء لم تصل للناس لنفس المستوى اللى انتوا فى خلال الشهر ده قدرته توصلوه".
وأضاف الرئيس خلال تكريم أسرة مسلسل الاختيار،: "المطلوب كتير قوى لأن إحنا دلوقتي موجودين وانتم عايشين اللحظة اللى بتحصل فى سيناء وحجم الإنجاز اللى ربنا ساعدنا فيه وكنا فين فى 2012 وبين دلوقتي، وبالتالي حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا، يشوفوا أد ايه مصر قدمت، لأن "المنسى" واللي زيه هما عند ربنا خلاص وربنا سبحانه وتعالى اللى هيجازيهم، لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللى انت قدمته فيه أسر فقدوا وافتقدوا أبنائهم أو حتى أصيبوا فبرضه هيعيش مع إصابته طول عمره".
وأكد الرئيس، أن المسلسل كان صورة رائعة لواقع عشناه وبنعيشه وتمن دفعته مصر وأبنائها سواء للفكرة الخبيثة اللى بيحاولوا ينشروها، أو للناس اللى بتقدم نفسها لأجل أنها تحمى بلدها من الناس دي.
تابعوا أخبار بلدنا اليوم على Google News
