"من هو الوليف؟".. تعرف على رسالة بسمة وهبه لوالديها

شاركت الإعلامية بسمة وهبة جمهورها منذ قليل، بصورة تجمعها مع والديها مؤكدة على إظهار حبها وتقديرها إليهما.‏من خلال حسابها الشخصي بموقع الصور والفيديوهات الشهير "انستجرام".

وعلق بسمة وهبة على الصورة قائلا:"عارفين مين هو الوليف؟ هو ‏الشخص اللي بتأنس لوجوده، تألفه وتتآلف معاه، كل بنت بتحلم تقابل الشريك اللي يمشي معاها الطريق، الطريق بكل ما فيه من ‏لحظات صعبة ولحظات حلوة ... فضلت على طول بحلم بالوليف".‏

وأضافت بسمة وهبة: "اللي شوفت قيمته ومعناه في علاقة أقرب وأغلى الناس، والدي ووالدتي اللي في كل خطوة كنت بشوف فيهم ‏معنى العلاقة الحقيقية اللي بتجمع ما بين أتنين متجوزين، بعد ما بنعدي مرحلة الحب والبدايات، لنصفين بيكونوا واحد بجد، ‏بعصبيتهم وخناقهم، بعايز تاكل إيه النهاردة، مش عارف، أنت لازم تتعبني؟ يا ستي وأنا مالي اعملي اللي إنتي عايزاه".‏

وتابعت وهبة: "الحوار التقليدي اللي عمره ما بيبقى قديم ولا عمره بيكون تقيل باحتياجهم لبعض اللي ممكن حتى ما يتقالش ‏بصوت عالي ، بس بمجرد نظرة عين، أو كلمة ليها معنى، بالسن اللي له حكمه ... وبوقفتهم دايما جنب بعض حتي وهما مش ‏قادرين، بنظرة حنان ساعة المرض ... بطبطبه علي الكتف لحظة الخسارة".‏

اختتمت بسمة وهبة: "بدمعة نازلة بخوف وقلق، كل ما سبق هو معنى لكلمة الوليف، كل ما سبق هو معنى لأجمل رحلة ممكن ‏يعيشها اتنين مع بعض، على نفس الطريق، طول الطريق بأحزانه قبل أفراحه، ويا بخت من له وليف، ربنا يخليكم ليا يا أغلى ‏الناس، يا أعز الناس ويخليكم لبعض".‏

عارفين مين هو الوليف ؟ . . الشخص اللي بتأنس لوجوده؛ تألفه و تتآلف معاه ! كل بنت بتحلم تقابل الشريك اللي يمشي معاها الطريق ، الطريق بكل ما فيه من لحظات صعبة ولحظات حلوة ... فضلت على طول بحلم بالوليف ، اللي شوفت قيمته ومعناه في علاقة أقرب وأغلى الناس ، والدي ووالدتي اللي في كل خطوة كنت بشوف فيهم معنى العلاقة الحقيقية اللي بتجمع ما بين أتنين متجوزين ؛ بعد ما بنعدي مرحلة الحب والبدايات ، لنصفين بيكونوا واحد بجد ، بعصبيتهم وخناقهم .... ب "عايز تاكل ايه انهارده ؟" ... "مش عارف" ... "انت لازم تتعبني" ... "يا ستي و انا مالي اعملي اللي انتِ عايزاه" !! الحوار التقليدي اللي عمره ما بيبقى قديم ولا عمره بيكون "تقيل" ... باحتياجهم لبعض اللي ممكن حتى ما يتقالش بصوت عالي ، بس بمجرد نظرة عين ، أو كلمة ليها معنى !! بالسن اللي له حكمه ... وبوقفتهم دايما جنب بعض حتي وهما مش قادرين ! بنظرة حنان ساعة المرض ... بطبطبه علي الكتف لحظة الخسارة ! بدمعة نازله من خوف وقلق ! كل ما سبق هو معني لكلمة "الوليف" ! كل ما سبق هو معني لأجمل رحلة ممكن يعيشها أتنين مع بعض .... علي نفس الطريق طول الطريق بأحزانه قبل أفراحه ! ويا بخت من له "وليف" ! ربنا يخليكم ليه يا أغلى الناس ، يا أعز الناس ويخليكم لبعض ❤ #بسمة_وهبة #باب_للأمل A post shared by Basma Wahba (@basma_wahba) on Sep 20, 2019 at 4:29am PDT يذكر أن الأجهزة الأمنية، قد تلقت بلاغًا من الإعلامية بسمة وهبة، اتهمت فيه عامل يعمل "جنايني" لديها، باقتحام غرفتها، واختفاء قرط ذهبي مملوك لها يقدر ثمنه بـ 400 ألف جنيه، اتهمته بسرقته.

وبمواجهة المتهم، أنكر الاتهامات المنسوبة إليه، وقال إنه توجه لغرفة مقدمة البلاغ لتقديم كوب من الشاي لها، نظرًا لحبه الشديد لها لاعتياد عطفها عليه، وليس سرقتها كما ادعت، إلا أن التحريات أكدت كذب روايته، وصدر قرار النيابة بحبسه ومن ثم إحالته للمحكمة.