قال الإعلامى أسامة كمال مقدم برنامج مساء DMC ، إنه لايستطيع نسيان تصريح الرئيس السيسى بعد مطالبة المصريين بخوض انتخابات الرئاسية قائلا" مش هنسى كلمته لما الناس كانت بتقول له اترشح فقال لهم هصحيكوا من 5 الصبح، فرد الناس، يا سلام! دة احنا نصحى من 4 كمان وبلاش ننام وبلاش ناكل".
وأضاف في برنامجه مساء DMC اليوم الخميس ، أن "ردود الناس ماكانتش عشان خايفين من الإخوان والمتطرفين لأن المعركة كانت اتحسمت بلا عودة والرئيس كان تعهد بالحفاظ على الأمن من غير ما يبقى رئيس، لكن عشان البناء والتنمية،مش عشان الأكل والشرب.. كلنا بلا استثناء بنعاني من الاجراءات، بس دة تمن كنا كلنا عارفينه بس مش مصدقينه".
وتابع كمال" ان السيسي تولى حكم البلاد بشعبية جارفة وحب مالوش مثيل في عصرنا لشخصه من قبل ما يبقى رئيس، فاختار انه يعمل الصح على حساب مبدأ ريح الزبون المشهور عندنا، ندعم الأكل والبنزين والمياه والكهربا أكتر أو نقل بالدعم دة عشان عيالنا".
تابعوا أخبار بلدنا اليوم على Google News
