مي تخلع زوجها: "عينه وحشة"

من بين القضايا التي امتلأت بها أوراق محكمة الأسرة، كانت قضية "مي.أ" البالغة من العمر 30 عامًا، والتي لجأت إلى قاضي الأسرة بعد زواجمها بـ8 أشهر، لاستحالة العيش مع زوجها مبررة ذلك: "عينه وحشة ولو كنت أعرف كده قبل الجواز مكنتش اتجوزته"، مؤكدة أن هناك بعض العلامات التي تؤكد شعورها.

وتقول الزوجة الثلاثينية: "قبل الجواز كانت في تصرفات كتير بتأكد أن عينه وحشة كان كل ما يقعد في مكان تحصل مصيبة بس أنا اتعاملت مع الموقف أنها أمور عادية ولكن مع تكرارها بدأت أحس أن في حاجة غلط".

ومن ضمن المواقف التي تذكرتها الزوجة ولم تنسها حتى الآن حفل الزفاف وانتهائه بكارثة بعد انقطاع الكهرباء من قاعة الحفل، مضيفة: "مش هنسى يوم فرحي والكوارث اللي حصلت منها حدوث ماس كهربائى تسبب في انقطاع الكهرباء من المكان كله".

تابعت: "اتأكدت أن مينفعش أعيش معاه بعد شهر من الجواز بس قلت أكيد كل ده عادي"، تأكدت الزوجة الثلاثينية من شعورها بعدما انقطع فستانها الذي أبدى إعجابه به بشكل غريب "الفستان بقى قطع منفصلة ملهاش علاقة ببعض".

وتوالت الأيام وفي كل يوم يمر بها تتأكد باستحالة الحياة معه، "قبل الجواز أكتر من حد قالي بلاش الإنسان ده نحس وأنا اتعاملت مع الكلام ده أنها تخاريف مش حقيقة بس اتأكد من كلامهم يوم الفرح".

وبعد تفكير طويل اتخذت الزوجة قرارها بالطلاق، وتقول: "مكنش ينفع أقوله عايزة أطلق علشان عينك وحشة أقنعته إننا مختلفين ومينفعش نكمل مع بعض تجنبا للمشاكل المتكررة".