بعد منعها من الدخول.. سما المصري تتحدى السلطات الكويتية

نشرت الفنانة الاستعراضية سما المصري، صورة جديدة، عبر حسابها الشخصي على موقع التواصل الاجتماعي "إنستجرام"، معلقه عليها: "المواقع والأخبار والسوشيال ميديا اللي عمالة تقول إنهم منعوني من دخول الكويت أحب اقولكم "والنبي تتلهوا" واللي عنده معزة يربطها باه".

واضافت: "لما يبقى يطلع بيان من وزارة الداخلية الكويتية أو السفارة أبقى أعرف أرد على السادة المجتهدين في أخبارهم.. مش كل واحد ماشي في الشارع نفسه يتشهر يجيب سيرتي ولا أي موقع نفسه يعمل ترافيك يطلع أي إشاعه وخلاص.. وبإذن الله أنا طالعة الكويت قريب، عشان تتبطوا وبرضو هاصور عند الأبراج تاني، والإعلاميه الفاضلة مي العيدان قالتلي شخصيًا أن حد من المجتهدين قالها الكلام دا بدون أي سند ولا خبر مؤكد من أي جهة وهي شخصيًا لا تملك مايثبت ذلك، يعني مفيش حد مسئول قالها ولا بلغها بكده بطلوا هري باه".

وتابعت: "حد له شوق في حاجة.. تاني اللي عنده معزة يربطها.. ايييه يربطها.. واللي عنده مستند يثبت ينشره خلي الناس تتبسط.. سفرية الكويت حرقت ناس كتير باين كده... مع أن الكوايته دول أجدع واحلى ناس.. ع العموم أنا قاعدة على قلبكم في مصر وبرة مصر".