القصة وما فيها.. تفاصيل أزمة أحمد العوضي بسبب خطيبته

منذ عام ونصف تقريبًا احتفل الفنان الشاب أحمد العوضي، بخطبته على فتاة من خارج الوسط الفني تدُعى رنا رشيدي، ولكن لم يعلم حينها الكثيرون من معجبيه ومتابعيه عبر حساباته على مواقع التواصل الاجتماعي. 

وعلى الرغم أن الخطبة مر عليها عام ونصف، إلا أن اسم الفنان أحمد العوضى أصبح "تريند" على عدد من مواقع التواصل الاجتماعى خلال الأيام القليلة الماضية، بسبب تلك الخطبة. 

وانتهز كارهيه فرصة حلوله ضيفًا على إحدى القنوات الفضائية وحديثه عن الرجولة والعادات والتقاليد فضلًا عن إشارته بأنه رجل شرقي للغاية، ليتداولوا صور من خطبته، وينتقدوا ملابس خطيبته في إشارة واضحة منهم إنه إن كان شرقيًا حقا لما دعها ترتدٍ مثل هذه الملابس. 

والحقيقة أن ملابس الفتاة تدرتديها الكثيرات وليس بها أي شئ ملفت أو مثير يستحق كل هذه الضجة، ويبدو أن مشاركة العوضي فى أكثر من عمل فنى، وأيضا ظهوره بشكل "رومانسى" جذب متابعات هذه الأعمال، وأيضا تصريحاته التليفزيونية والذى تحدث فيها عن الحب والارتباط وكونه شخصا رومانسيًا ولكن على طريقته الخاصة، فضلًا عن لمعان بريقه في عالم السينما، كانت مادة دسمة لكارهيه لافتعال تلك الأزمات. 

وكتب "العوضي"، ردًا على صور الخطوبة المنتشرة وأوضح الأمر لمتابعيه قائلًا: " طيب مبدأيا كده صور الخطوبة اللي غرفت فيس بوك امبارح دي من سنه ونص.. تاني حاجة أنا كنت خاطب وزي أي علاقة فى الدنيا قسمة ونصيب".

وتابع "تالت حاجة أنا كنت خاطب واحدة لو قعدت أقول عملت إيه عشانى من هنا لسنين قدام مش هيكفى فهي وأهلها يفضلوا دايمًا على راسي... رابع حاجة كل الرجاله اللي اتكلموا في حقي كلمة حلوة أو حتى انتقدوني لشخصى على راسى.. الناس اللي احلوت بقي واتكلموا في فستان خطوبه مقفول من فوق (وكانو متخيلين إني هلبسها عباية) ونظروا على بنت محترمة عشان يضربوا فييا أنا.. فأنت لو كان أبوك تعب شوية على إنه يعلمك إن الحريم خط أحمر وإنك لما تحب تضرب في راجل بيبقى منك ليه.. لو كان علمك كده كان زمانك فاهم في الأصول". 

وأضاف: "فانسى بقى إني ممثل والكلام ده لأن أنا في الأول والآخر منكم يعني وارد تقابلنى فى أى مكان أنا مش عايش فى النمسا، فاعمل حساب إنك خضت في سيرة ناس مني، واسترجل كده وسيبك من جو حرفين هتكتبهم وقلبك ميت عشان ساعة الجد الموضوع بيختلف.. محروق من حاجة اسأل لأنا بروح فين وتعالي قولي انت وانت وانت وانت.. عادي بس هتعمل فيها جلنديزر علي فيس بوك". 

واستطرد: "لما تخطب يا حلو ابقي لبسها عبايه في الخطوبة أو خبيها أقولك ابقى لبسها بدلة عشان انت أرجل منى يا جامد.. آخر حاجة أنا سنجل فياريت بلاش كلام في حاجات غلط.. كل الشكر للناس اللي انتقدت كلامي ككلام إنه شرقي زيادة وكل الشكر للناس اللي شايفة إني صح... صباح الفل عليكم وكل الاحترام لبنت أنا مشفتش منها غير كل خير واحترام.. وأنا أسف ليكى".