أبدى الإعلامي أسامة كمال، تعاطفه وإشفاقه على وزير التربية والتعليم الدكتور طارق شوقي؛ بسبب ما يلاقيه من هجوم صارخ عليه من قبل المواطنين المصريين، قائلًا: "أنا مشفق على وزير التعليم مما يتعرض له من هجوم بسبب نظام التعليم الجديد"، معربًا عن اندهاشه من هجوم أولياء الأمور على النظام الجديد.
وانتقد "كمال"، هجوم بعض المواطنين على النظام الجديد للتعليم، قائلا: "تلاقي اللي يقول لك الكتاب الجديد بتاع KG1 خفيف.. خفيف؟ طب ما هو ده المطلوب طول عمرنا بنشتكي أن العامود الفقري بتاع عيالنا اتلوح من الشنطة التقيلة، واللي يقول لك العيال مش بتدرس كويس واللي يقول لك واللي يقول لك".
وأضاف "كمال" خلال برنامجه "مساء dmc" المذاع عبر فضائية "dmc": "أن المشكلة الوحيدة في رأيي هي المدرس اللي مش عارف هيستوعب النظام الجديد.
ويتعامل معاه رغم تدريب المعلمين، لأن المسألة مش تدريبهم، لكن أكبر من كدة لأنهم أصلاً خارجين من نظام تعليم هو اللي بنشتكي منه، يعني وزير التربية والتعليم محتاج يعمل ترميم كامل للمدرس أو إعادة بناء".
تابعوا أخبار بلدنا اليوم على Google News
