علق مطرب الراب مروان بابلو، على كليب "راجعين" الذي طرح لدعم فلسطين، مشيرا أنه جزء من المقاومة.
وكتب مروان بابلو عبر حسابه بموقع تبادل الصور والفيديوهات "إنستجرام" قائلا:" بخصوص أغنية راجعين اللي بتضم 25 فنانا وفنانة من جميع أنحاء الوطن العربي في أغنية واحدة، لاحظنا بعض الاعتراضات، هانوضح بس كام نقطة مهمة".
أوضح مروان بابلو:" لو ما تعرفش، جميع أرباح العمل بيتم التبرع بها بنسبة 100% لأخواتنا في قطاع غزة، ولا يحق جزء من الأرباح لأي فنان، وكل فنان منهم ساب بلده وشغله وكل اللي وراه وسافر للعمل ده بدون تفكير أو تردد ويمكن دي أقل حاجة نقدر نقدمها لأخواتنا تجاه قضيتنا، صوتنا وتبرعاتنا ده اللي بـ أيدينا من أجل دعم قضيتنا، ودي حاجة كفيلة تخلينا نقدرهم بكل احترام".
تابع مروان بابلو:" الهدف من العمل في المجمل كان واضح وصريح وهو محاولة تسليط الضوء الغربي والعربي على القضية من الناحية الإعلامية ونشر الوعي ومفهوم الأمة الواحدة مهما اختلفت الجنسيات وأنها قضيتنا كلنا، وبالفعل نجحوا في دا لأن الفن سريع التأثير والانتشار وسهل أنك تستوعب كل كلمة خصوصا لو بتسمعها من فنانك المفضل".
تابعوا أخبار بلدنا اليوم على Google News
