علق خالد بيومي، المحلل الرياضي، على خروج الأهلي من بطولة الدوري الأفريقي بعد تعادل الفريق مساء أمس مع صن داونز الجنوب إفريقي سلبيًا.
وقال بيومي في تصريحات تلفزيونية: «كولر خد كام بطولة قبل الأهلي؟ الراجل في 10 شهور جيه خد 5 بطولات لأنه كان جعان لكن المشكلة مش فيه».
وأضاف: «الأهلي اللي عنده إدارة ولجنة كورة ولجنة تسويق وشغال، مش قادر خلال سنين يتعاقد مع مهاجم قوي، ده علامة استفهام».
وتابع: «الأهلي محتاج تخطيط ونظام، الأهلي مش شغال كده دلوقتي خالص، وبقى شغال على رد الفعل، وده الخطأ الأكبر وسبب أزمات الأهلي المتكررة، جايه من سوء تنظيم مجلس إدارته».
وأكمل: «أنا مش عايز اظلم موديست خالص، لان المشكلة مش فيه، دي مشكلة الإدارة في النادي الأهلي».
واستكمل: «الفكرة مين اللي اتعاقد معاه ومين اللي اتعاقد مع سافيو والاثنين كلفوا خزينه النادي اكثر من ٣ مليون دولار غير الرواتب وبدون أي جدوى».
وأردف: «أكرر كلامي مرة تانية .. ماذا يفعل الأهلي في التعاقدات؟ .. ١٠ سنين الأهلي يفشل في ضم مهاجم جيد .. يفضل مستني آخر أيام في التعاقدات ويقولك خلاص هجيب اللاعب الفلاني».
واختتم: «الأهلي يحتاج تخطيط .. يحتاج ناس بتتابع الدوريات الافريقية، وتتابع اللاعبين بصفة مستمرة وإدارة شغاله بتخطيط مش على رد الفعل».
تابعوا أخبار بلدنا اليوم على Google News
