حرص الفنان خالد سليم علي توجيه كلمات مؤثرة عبر حسابه الرسمي بموقع تبادل الصور والفيديوهات "إنستجرام" وظهر في الفيديو باكياً ومتأثراً بالأحداث في غزة، وهو لا يستطيع فعل أي شيء للأطفال هناك، مشيراً إلي اننا ندعي ربنا يوقف المجزرة الإنسانية دي.
وكتب:" أنا سكت كتير اوي .. بس مش قادر .. كل يوم بتدمر اكتر من اللي قبله .. و مش عارف اعمل ايه؟ ولا عارف نعمل ايه ؟؟ غير اننا ندعي ربنا يوقف المجزرة الإنسانية دي .. والله حرام .. مش مصدق اللي بيحصل لأطفالنا و المدنيين من نساء و شيوخ و شباب.. معقول الخونة يستهدفوا مدارس و مستشفيات و بنايات سكنية.. و معقولة القانون الدولي و العرب و الدنيا كلها ولا تاخد موقف؟ هوا في ايه ؟
وتابع حديثه، قائلا: كنائس ؟ و مساجد ؟ هو في ايه؟ ربنا ينتقم من الجبابرة اللي ما عندهمش قلب ولا رحمة ولا نخوة.. يااااا رب ارحم شهداءنا في فلسطين و صبر قلوبنا .. و ابعد عنهم كل شر.
وسبق وكتب خالد سليم عبر حسابه الرسمي بموقع تبادل الصور والفيديوهات انستجرام: أنا مش عارف اقول ايه؟ أنا ببكي بس .. قلبي محروق .. قلبي مولع .. مش عارف اعمل ايه علشان اهدا … بجد مش قادر اعبر ولا عارف اتكلم .. أنا بس بتقطع و تعبان من اللي بيحصل دا.
والجدير بالذكر أن الفنان خالد سليم قد شارك في مسلسل "حكايات الماميز" مع الفنانة دينا فؤاد، وليد فواز، هبه عبد الغني، نورهان، رباب ممتاز، أماني كمال، والإخراج ل أحمد صالح.
تابعوا أخبار بلدنا اليوم على Google News
