وجه الفنان محمد عطية، رسالة خاصة المؤثرين على مواقع التواصل الإجتماعي، وأيضا الفنانين ولاعبي كرة القدم، بالتحدث عن القضية الفلسطينية.
نشر محمد عطية، مقطع فيديو عبر حسابه الرسمي بموقع تبادل الصور والفيديوهات القصيرة "إنستجرام" قائلا:" بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج".
تابع:" الوضع هناك أسوأ من السجن، أنت في السجن متأمنلك أكل وشرب ومش معاك أطفال ولا رُضع، الوضع في غزة مش بالمنظر ده، النهاردة إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية".
وأضاف محمد عطية:" بلاش الكلام بتاع هو الكلام هيأثر؟.. إحنا مفيش في إيدينا حاجة نعملها غير ده ولو في حاجة تانية قولولي وأنا أول واحد هعملها، فمفيش غير إننا نتكلم على السوشيال ميديا وأرجوكم متزهقوش".
تابعوا أخبار بلدنا اليوم على Google News
