وجه الفنان تامر حسني نصيحة للجمهور من خلال منشور علي مواقع التواصل الإجتماعي "فيس بوك"، اللي ملوش مثل أعلي يشتريله مثل أعلي، مشيراُ إلى أن وجود مثل أعلي يجعلك تتأثر برحتله وطريقه ونجاحه.
وعلق تامر حسني قائلاً: اللي ملوش كبير يشتريله كبير مقولة جميلة بس أنا من خلال رحلتي و قد ايه في قوه جباره الانسان بيستمدها من اللي بيحبهم بكل جوارحه .. طبعاً كلامي عن النجاح العملي في العمل اللي تحبه.
وتابع حديثه: اللي ملوش مثل أعلى يشتريله مثل أعلى والله والله والله لما بتحب حد ناجح و تتأثر برحلته او طريقته و نجاحه فعلاً بتقدر تبقى زيه و ممكن احسن كمان .. ممكن طبعاً تنجح من غير ما يكون عندك مثل اعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات انت متعرفش نتايجها بس بتعرفها من خلاله بتشوف تفكيره في التطوير و تفكيره ازاي يتخطى الازمات و تفكيره في المواكبه لكل مرحله في حياته ازاي كسر سقف نجاحه عشان انت كمان تعمل زيه معلش بحب اوصلكم اي حاجه كويسه بتعلمها في حياتي.
واستكمل: اللي مالوش مثل أعلى يشتريله مثل أعلى يعني يدور و يركز مع حد يحبه و يتعلم منه و على فكره مش شرط في مجاله ممكن تحب حد في مجال تاني و تحاول تطبق مراحله في مجالك ده كان كلام من واقع تجربتي و رأيي الشخصي … ربنا يوفقكم كلكم و توصلوا لابعد من احلامكم و تبقوا انتوا كمان مثل اعلى لناس بعدكم.
يذكر، أنه حقق الفنان تامر حسني نجاح واسع في فيلم تاج وتدور أحداث فيلم "تاج" حول تامر حسنى الذى يمتلك قوة خارقة خاصة به، ويتميز بسرعة كبيرة، ويحاول استخدام قوته فى مساعدة الناس، لكن تلك القوة توقعه فى عدد من المشاكل، ويقابل خلال الأحداث دينا الشربيني التي يقع في حبها ويتفقان على الزواج، وسط العديد من المفارقات الدرامية والكوميدية، وذلك مع ظهور التيك توكر الألماني الشهير نويل روبنسون، وأدائه رقصته الشهيرة.
تابعوا أخبار بلدنا اليوم على Google News
