بدأ الرئيس عبد الفتاح السيسي، بتوجيه الشكر والتقدير لكل المشاركين في الندوة التثقيفية للقوات المسلحة بمناسبة الذكرى الـ 50 لانتصارات أكتوبر المجيدة.
وقال الرئيس السيسي: "خليني أوجه لكم الشكر لمعالى الأمين العام وأستاذي اللواء طلحة اللى بنبجله ونحترمه لعلمه إحنا من الجيل اللي اتعلمنا منه.. وأنا هتكلم الأول الهزيمة امتي؟ الهزيمة عندما تقبلها .. حالة الهزيمة كانت حدثت في الميدان العسكري 67 لكن حالة التحدي القومي كانت 9 يونيو عندما خرج المصريون لرفض تنحى الرئيس عبد الناصر".
وأوضح: "ده كان أمر بالنسبة للواقعة الهائلة بتأثيرتها الضخمة جدا على مصر والجيش والأمة العربية كان هائل، لكن بالرغم من كده المصريين خرجوا ومحدش شوه الفكرة.. في ناس بتقول دي كانت مترتبة.. لا .. المصريين خرجوا علشان يقولوا مش قابلين الهزيمة والجيش خلصان والإسرائيليين موجودين في سيناء كلها".
وأضاف الرئيس السيسي: "كل مهتم بالقضية لازم يعرف إن القضية لم تبدأ في 73، ولكن في أعقاب الضربة ووسط الألم والهزيمة الجميع تحمل من 67 إلى 73".
وذلك خلال الندوة التثقيفية الثامنة والثلاثين احتفالًا بالذكرى الـ 50 لانتصارات أكتوبر المجيدة.
تابعوا أخبار بلدنا اليوم على Google News
