حرص الفنان هشام ماجد علي الحديث عن حبه للعمل مع الفنانة دنيا سمير غانم، مشيرًا إلي أن هناك تناغم بينهما.
وقال هشام ماجد: بعتز بفيلم تسليم أهالي جدا وبعتز بدنيا سمير غانم، أكتر واحدة بحب نشتغل مع بعض، إحنا أصلا أصحاب فـ كيميتنا ماشية مع بعض.
وتابع: بشوف دايما إن في أزمة ورق وكتابة، يعني إحنا عندنا ممثلين جامدين ومخرجين بيعرفوا يعملوا كوميدي ودراما، وكمان عندنا مؤلفين جامدين، بس فكرة إنك تلاقي ورق حلو دي بتاخد وقت، وعشان الفيلم يتعمل كويس لازم يتكتب ويتراجع ويتحضرله كتير.
هذا وأردف هشام ماجد: الفرنجة أمتع تجربة صورتها في حياتي، وميزة الفرنجة إن إحنا كنا بنعمله بالروح القديمة بتاعتنا، اللي هي أول ما بدأنا نمثل، اللي هو لو معرفناش نجيب تصاريح للتصوير في الشارع، هنصور ونوّقف واحد على أول الشارع، عشان لو البوليس جه يعرفنا ونجري.
تابعوا أخبار بلدنا اليوم على Google News
