تحدث الرئيس عبدالفتاح السيسي رئيس الجمهورية، خلال افتتاح عددًا من المشروعات بمحافظة بنى سويف، قائلًا: "لا شك أن الظروف صعبة صحيح، بس خلوا بالكم يعني بقالنا 4 سنين في ظروف صعبة جدًا، سنتين منهم الدنيا كلها والعالم كله علشان موضوع كورونا واللي حصل، وسلاسل الإمداد تأثرت تأثرًا كبيرًا، والعالم والاقتصاد كله توقف، لكن إحنا متوقفناش علشان إحنا ورانا حلم كبير قوي شغالين فيه، وكنا نامل إن الأمور أحسن، لكن جت أزمة تانية كبيرة وكان ليها تأثير كبير وحاولنا بظروفنا الاقتصادية الصعبة اللي بقول فيها لكم افتكروا كويس لما عملنا خطة الإصلاح الاقتصادي قلنا إذا نجحنا فيها ننطلق لآفاق أفضل كان معدل النمو متقدم وصلت الى 5.8 % وكنا نامل اكتر من كده".
أضاف الرئيس السيسي، أن "أزمة ما زالت مستمرة حتى الان "حرب أوكرانيا" ..احنا بنتكلم في كل سنة مش عاوز أقول ارقام لكن ممكن أقول رقم ممكن ننتبه أن إحنا بنستورد كميات كبيرة من القمح والذرة وزيت الطعام وارتفاع اسعارهم كان ليهم تاثير كبير حاولنا كدولة أن الأسعار ستنعكس بقوة على الناس وتمثل الثمن الحقيقي بتاعها".
تابع الرئيس: "بتكلم عن 10 مليون طن قمح لو الطن الواحد زاد 100 دولار احنا بنتكلم في ارقام كبيرة علشان نوفر عيش الخبز،.. بقول الكلام ده ليكم لما بقول ان انا منكم وحاسس بيكم".
تابعوا أخبار بلدنا اليوم على Google News
