شارك الفنان عمرو وهبة، جمهوره صورة لزوجته احتفالاً بعيد زواجهما على طريقته الخاصة، وذلك من خلال منشور عبر حسابه الشخصي على موقع تبادل الصور والفيديوهات "إنستجرام".
وعلق عمرو وهبة على الصورة قائلًا: دورت على صورة حلوة أنزلها عشان عيد جوازنا ملقتش صورة أحلى من اللى مصورهالك وزارة الداخلية.
وتابع: وأنتي لاطشة عربيتي من ورايا وبترمحي في قلب شوارع القاهرة.. كل سنة وأنتي طيبة وتمن هديتك هدفعه للنيابة العامة للمرور إن شاء الله.
يذكر أن الفنان عمرو وهبة عرف بحبه الشديد لزوجته ومواقفهم الطريفة معًا، حيث سبق وهنأها بعيد زواجهم فقال: "النهارده كده ماشاء الله كملنا 16 سنه مع بعض.. انا عارف ان كلمه رجوله بتبقى غريبه لما تتقال على بنت بس الصراحه هى الكلمه الوحيده المعبره عن اللى بتعمله معايا طول عمرها، انا لما كان نفسى اسيب شغلى عشان احقق حلمى وامثل.
وتابع: وقولتلها مش هينفع اعمل كده عشان مصاريف البيت قالتلى لو هتبقى مبسوط سيبه وحاول فى اللى بتحبه وانا متأكده انك موهوب وهتنجح ولو اتزنقنا انا بشتغل وهصرف انا لحد مالدنيا تمشى ..صحيح من ساعتها هى اللى بتصرف فعلاً بس كان موقف نبيل الصراحه هى اكيد ندمانه عليه دلوقتى”.
تابعوا أخبار بلدنا اليوم على Google News
