بلدنا اليوم تنفرد بنشر استغاثه أحد الحكام من ظلم لجنة التحكيم

أبدى الحكم محمد عبدالعزيز استياءه الشديد من الظلم الذي تعرض له وتجاهل خبراته التحكيمية، حسب تعبيره، بعد عدم استدعاه لمعسكر الحكام ومعسكر حكام الفار المقبل.

وحصل موقع وجريدة "بلدنا اليوم" بشكل حصري، على مقطع صوتي، يوجه فيه محمد عبدالعزيز لومًا كبيرًا للمسؤولين عن المنظومة، وكان محتوى المقطع الصوتي كالتالي:

وقال عبدالعزيز: "مش عايز أتكلم في موضوع كابتن عبدالعزيز السيد كثير؛ لأن شهادتي فيه مجروحة، بعتبره مثل أعلى لي ولكل حكام الجيزة، هو أفضل من حكام كثير دخلوا القائمة الدولية، ومش عايز أتكلم كثير، واحد زي عبدالعزيز السيد طبيعي يكون في القائمة الدولية".

وأضاف: "اللي أنا هقوله دا مش شكوى؛ لأني أيقنت أن الشكوى لغير الله مذلة، عايز أقول حاجة، عشان يبقى الكل شاهد على وكل حكام الجيزة شاهدين علي".

وتابع: "بيحصل معي حاجات مش طبيعية من سنين والفترة دي بالذات زادت جدا، لدرجة أنه يتعمل معسكر للحكام، ومتحطش فيه وأتظلم ظلم كبير، وأكلم الكل وأروح للجنة كلها وشاهد على كدة الكابتن محمد عبدالمعطي، وحد تليفونه مقفول واحد يقول مش أنا اللي حطيت القائمة، ولم أنزل حسبي الله ونعم الوكيل، زعلتهم جدا وبسببها أنا تم ابعادي عن المعسكر وأتوقفت، وأنا لا بقصد بيها حد ولا ذكرت اسم حد منهم".

وأكمل: "وفي معسكر الفار اللي تم الغاءه ماتخدتش، وفي حكم لعب مباراة وحدة من وقت ما أخد الرخصة وخدوه، وأنا اللي لعبت 12 مباراة ماتخدتش، بعطي مثل صغير جدا". 

واستكمل: "أنا دلوقتي هيتعمل معسكر للفار من يوم الأحد مش موجود فيه، حتى معسكر المحترفين مش موجود فيه، مش عايز أطول على حضراتكم أنا محمد عبدالعزيز عندي كام سنة وخبرتي قد أية".

وأردف: "مع احترامي لكل الناس أكبر مني وأصغر مني ليه أنا؟ اللي أنا رجعته بضهري في الممتاز "ب" في المباريات، هما مطلعوش فيه بوشهم، أنا في الممتاز ب من 2015، عندي أكثر من 60 مباراة في الممتاز ب من أقوى المباريات".

وأستردف: "أنا مش عايز أقول إني مش زعلان من حد لا أنا زعلان من ناس كثيرين، أنا بحبهم على المستوى الشخصي، ولكن مش الظلم بس انك تظلم حد عندك قمه الظلم انك شايف حكم عندك يتعرض للظلم ومش بتكلم ومش هقول مش بتتكلم لا بتتكلم علي استحياء دا برضو ظلم انا مش يشتكي ل أحد ولكن بقولها صرحتا انا مش عايز حاجه من حد".

واختتم: "كان ممكن سهل جدا اتصل ب كابتن محمد عبد المعطي أقول له ألحقني أنا مش في المعسكر ولكن مع احترامي للجميع انا مش عايز من حد حاجه ومش هقول بعد كده غير يا رب".