أثارت الفنانة انتصار الجدل بعد تصريحاتها النارية عن الخطوات التي يجب على الرجل والمرأة اتباعها خلال المقابلة الأولى للتعرف، كما حرصت علي توجيه رسالة للفتيات.
وقالت انتصار، في مقدمة برنامجها “من غير نفسنة” الذي تقدمه مع الفنانة بدرية طلبة ونوليا، عبر شاشة قناة “هي”: اللقاء الأول ده يا إما هنكمل مع بعض يا إما لاء ومتعزمهاش علي الغداء أو العشاء علشان متدبسشي في 6 ساعات لكن هتشرب حاجة في نص ساعة وتقولها هشوفك بقى وتليفونات، ده لو أنت اتخنتقت نتيجة غباوتها وعينك مش طايقة تشوفها.
وتابعت: لو عجبتك قولها طيب تحبي نتعشى؟ ولو هو اللي مش عاجب البنت ترفض أنها تتعشى وتشرب حاجة وتمشي، ولو عجب البنت تقوله أنا عزماك على الغداء، وتلزيق المحبين ده.
وفي تصريحات سابقة، أكدت إنتصار أن مفيش حاجة اسمها كل الرجالة خاينين ووحشين، ليه ما الراجل ده أبوكي وأخوكي وابنك اللي مخلفاه من بطنك، وابن عمك اللي بيخاف عليكي وبيرعاكي، كل دول وحشين؟ ولا إنتي مركزة بس في العلاقة العاطفية مع الزوج والحبيب؟ الرجالة اختزلتيهم في دول؟ في حاجة اسمها بعض ونسبة، وناخد كل نسبة بحالتها وتربيتها.
تابعوا أخبار بلدنا اليوم على Google News
