عبر الفنان مجدي بدر عن رأيه في عمل جزء تاني من مسلسل "جعفر العمدة"، وذلك بعد إعلان المخرج محمد سامي عن جزء جديد، لرمضان القادم.
وقال بدر خلال حواره في برنامج "on the top" مع الإعلامي شريف عبد الرؤوف على قناة الشمس:' الأغلبية من الأعمال اللي نجحت واتعمل لها أجزاء ثانية كملت نجاحها مثل مسلسل ليالي الحلمية، ورأفت الهجان.
وأضاف: "فيه كذا عنصر مهمين وهو المخرج محمد سامي هو من المخرجين الاذكياء وعنده سينس عالي بيعرف يوظف الحدوتة، الشتاء محمد سامي ورمضان لا يمكن هيدخلوا عمل وهما مش مالكينه كويس".
وتابع: "معنديش خلفية مين اللي هينضموا للجزء التاني أو هينسحبوا ولكن الحاجه الوحيدة اللي منأكد منها أن بلال شامه مش هيكون موجود في الجزء التاني لأنه اتقتل خلاص، ممكن استنتج أن دلال متبقاش موجودة لأنها اتسجنت، عايدة لانها سابته ومشيت".
واختتم: "محمد سامي ضافلي حاجات كتير جدا، اولا هو اللي كاتب وهو المخرج الحته دي فيها ميزة أن تفاصيل الشخصية بيكون سهل يوصلهالك ودا اللي حصلي فعلا غير أن كان معاه ٣٠ حلقة كاملين ففاهم اتطورت الشخصيات
تابعوا أخبار بلدنا اليوم على Google News
