حسن شاكوش.. شهدت الساعات الماضية، تطورات جديدة في أزمة مطرب المهرجانات حسن شاكوش، مع زوجته ريم طارق، بعد أن ألزمت محكمة الأسرة بأكتوبر، المطرب الشعبي حسن شاكوش بدفع 20 ألف جنيه نفقة لزوجته.
تتطورات جديدة في أزمة حسن شاكوش وزوجته
تصاعدت الأزمة بين شاكوش وزوجته، من جديد عقب حصول ريم طارق على قرار التمكين بالدخول لفيلا الزوجية بكومبوند شهير في مدينة 6 أكتوبر للإقامة بها بعد اتهامها لشاكوش بطردها والاستيلاء على إيصال أمانة حرره لها بديل مؤخر الصداق.
وقامت ريم طارق، بنشر فيديو لايف عبر صفحتها على موقع التواصل الإجتماعي “الفيسبوك”، وهي أمام فيلا شاكوش بصحبة رجال الأمن، مؤكدةً على حدوث هجوم وتعدى حسن شاكوش عليها بالسب والشتائم.
قائلة: “ معايا قرار تمكين من جهات التحقيق، ومش عارفة أتمكن من الفيلا وأخوه وابن أخته قاعدين، ومنتظرين من أربع ساعات ومش عارفين ندخل ومش عارفة آخد هدومي لأنه مستولي عليها”.
تابعت:" أنا ما قلتش سبب المشاكل وما عملتش حاجة غير إني جاية آخد هدومي لأني كنت ممنوعة من الدخول، وهو بيشتمني قدام الناس وبهدلني، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي".
قامت قوات الأمن باصطحاب، المطرب حسن شاكوش وزوجته ريم طارق إلى ديوان قسم شرطة أول أكتوبر لتحرير محضر ضد شاكوش في سب وتهديد ريم طارق، فضلًا عن التحفظ على هاتف ريم طارق بعد بثها لايف على صفحتها الشخصية.
حسن شاكوش
حسن شاكوش يكشف حقيقة ضربه لـ زوجته: لا تربيتي ولا بيئتي
ومن جانبه، تصدر اسم الفنان حسن شاكوش، ترند محركات البحث "جوجل" خلال الساعات القليلة الماضية، بعد نشره فيديو لايف عبر صفحته الرسمية بموقع "الفيسبوك"، أثناء وجوده في منزله بعد تمكين زوجته ريم طارق من منزل الزوجية.
وقال حسن شاكوش، خلال الفيديو:" مش هطول عليكم من قلب البيت عندي، وأنا عندي في البيت أهو موجود وأهلي وأمي وإخواتي منورني مشرفني، مش بيجوا لي كتير ولما بيجوا بالنسبة لي بيكون يوم عيد، وحبيت بس أطمنكم إن مفيش أي حاجة وإحنا لسه جامدين ومفيش إلا إحنا، وعلشان عندي حفلة بليل مستني كل حبايبي اللي جايين لي في المعادي".
وتابع:" الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها ولا تربيتي ولا بيئتي ولا عيشتي ولا أهلي ربوني على كده، عمري في حياتي ولا ضايقت حد ولا زعلت حد ولا عملت مشاكل مع حد، وبيتقال عليا كده علشان يشهروا بيا وشكلي يكون وحش قدام جمهوري لكن ربنا مش على كيف حد".
وواصل "شاكوش":" اللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد، وأنا موجود في بيتي وأهلي منورني ومشرفني ومش هينفع أتكلم كتير ومش هينفع أتكلم كتير علشان الجامع جنب بيتي وبعد كلام ربنا مفيش كلام".
ريم طارق تكشف تطورات جديدة في أزمتها مع زوجها حسن شاكوش
وكانت ريم طارق زوجه حسن شاكوش، بإشتعال الأزمة مرة أخرى، ونشرت لايف عبر صفحتها على موقع تبال الصور والفيديوهات“إنستجرام”:" أثناء تنفيذي لحكم التمكين أهله جمّ، وحسن شاكوش طرد والدي، وأنا باخد حاجتي، وامتنع عن تنفيذ حكم محكمة، قالهم تطلع على القسم ملهاش حاجة عندي، أمتنع عن أنه يديني حاجتي حتى لبسي، مش هينفع أبدًا كنت أعيش مع واحد هددني بالقتل".
تابعت:" أنا أتضحك عليّ في حلقة برنامج شيخ الحارة، قالولي اللي حصل دا فيلم وهزار، لكن كان حقيقي، وجالي حاجات كتير من البنات في دبي والأردن والتجمع، وفي بنات كلموني من برة، وشاكوش كتب أوراق عرفي على كوايتة، ومتاخد حقوقها، ممكن تكون متجوزتهمش رسمي، لكن أنا تجوزتني عشان تداري على إيه؟، إيه الحاجة اللي كنت عايز تداريها يا شاكوش".
حسن شاكوش وزوجته ريم طارق
حسن شاكوش
تابعوا أخبار بلدنا اليوم على Google News
