تامر حبيب يتعرض لكسر في اليد بعد سقوطه بشكل مفاجىء

أعلن الفنان تامر حبيب، عن تعرضه لكسر في اليد، نتيجة لسقوطه بشكل مفاجئ في الحمام، وذلك عبر حسابه الرسمي علي موقع التواصل الاجتماعي “فيسبوك”.

علق على الصورة قائلا : مقابل أسبوع كامل من الاحتفالات والاحتفاءات والتهنئة والأمنيات والكلام الحلو اللي من القلب ويشرح القلب ويطمن ويونس علي كل وسائل السوشيال ميديا وعلي التليفون ووجهًا لوجه من صحاب حلوين قوي ما شاء الله ومعارف وقرايب.

أضاف:"حتي ناس معرفهمش معرفة شخصية، مدين لهم كلهم بكل الشكر والامتنان، لو مقابل كل ده من ذوي العيون غير الرحيمة، الله يسامحهم، هُدر جامد في الحمام تنج عنه كسرين محترمين في الابهام والسبابة في ايدي اليمين اللي بأكتب بيها، واللي هاتحتاج تفضل متجبرة ثلاث اسابيع علي الاقل".

تابع: “انا مرضي وشاكر ربنا علي نعمه الكبيرة دي، شكرًا يا احلي صحاب،و يا ناس يا شر كفاية قر”.

ومن جانب أخر، أكد السيناريست تامر حبيب، أن محمد رمضان نجم من نجوم الصف الأول ولا ينكر أن لديه درجة نجومية كبيرة، قائلا: "محمد رمضان نجم صف أول وعنده درجة نجومية كبيرة وأحب اشتغل مع محمد رمضان واكتب له بس لو نفس نوعية الدراما محبش اعملها ومش عايز".

وأضاف تامر حبيب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه لا يستطيع الكتابة لمحمد رمضان ولكن يشاهد اعماله، متابعا: "ممكن اتفرج على دراما محمد رمضان بس محبش اكتبها ولو عندي دور ينفع لمحمد رمضان هعمله لكن مش هكتب مخصوص".

وتابع: "نوع الدراما لمحمد رمضان مش بعرف أعملها ومش مزاجي في الكتابة وحصل بالفعل كان في عمل اسمه أهل العيب وكان في دور استقرينا على اختيار محمد رمضان وعرضنا الدور عليه وهو اللي اعتذر ومبدأ العمل المشترك موجود".

تامر حبيب

تامر حبيب