هل تتأثر قناة السويس بالطريق الحرير ؟ الفريق أسامة ربيع يجاوب

علق الفريق أسامة ربيع على الاخبار والتساؤلات التي تتحدث عن مخاوف تأثير الطرق البديلة على القناة.

حيث قال «ربيع»، في تصريحات على هامش المؤتمر الصحفي الذي عقدته الهيئة بنطاق مشروع تطوير القطاع الجنوبي للقناة بمحافظة السويس، اليوم الأربعاء: «كل فترة نسمع موضوع الطرق البديلة لقناة السويس، اللي عايز يعمل طريق ماله ومال قناة السويس، ما تعمل، هو أنا مسكتك».

ولفت إلى أن هناك طرق بديلة، ولكنها ليست بديلة لقناة السويس، موضحًا أنها طرقًا مهمة، وأن الهيئة تدرسها وتتابعها جيدًا.

وأردف كلامه : «أول ما باسمع إن في طريق منافس لقناة السويس وفيه سكة حديد أو أنابيب بترول، بطمن وأقول مفيش مشكلة، الطريق البديل لقناة السويس هو حفر قناة ثانية موازية لها وتدي خدمة أحسن منها، غير كده مفيش».

تأثير طريق الحرير على قناة السويس

 قال «ربيع»: «لو جينا للطريق البري اللي هيبقى فيه سكة حديد… عربة السكة الحديد ممكن تحمل من إلى 5 حاويات، القطر يقدر يشيل 500 حاوية على أقصى تقدير، أنا معدي آخر مركب فيها 24 ألف حاوية في سفينة واحدة، مفيش مقارنة».

وأضاف: «الطرق موجودة، وهتفضل موجودة، لو الطرق موجودة فعلا مكنتش حققت الأرقام دي، لو في طرق بديلة مكنتش السفن انتظرت 6 أيام في القناة حتى تعويم إيفر جيفين، بديل يلغي قناة السويس!! إن شاء الله طول ما إحنا عايشين مفيش بديل لقناة السويس».