"العالم كله بيحبني ومحدش أخد ولا هيقدر ياخد مكاني".. بدرية طلبة ترد علي مجهول

ردت الفنانة بدرية طلبة علي شخص مجهول هاجمها، مؤكدةً على أنها ملكة الكوميديا في مصر والوطن العربي.

وصرحت بدرية طلبة عبر حسابها الرسمي بموقع التواصل الاجتماعي "فيسبوك": “اللي بيته من زجاج ميحدفش الناس بالطوب، اللي عايزة تحلي نفسها مش هتطلع تتكلم على سنها، وتحكي على أحفادها، وتعمل أدوار زي اللي أنا بعملها، اللي أحافظ بيها على شكلي وعلى نفسي، ودا الست العادية بقت تعملوا".

وتابعت: "والشعبية اللي مش عجباك شرف ليا أني معجبش واحد زيك، شوف بقا حاجة تانية قولها، علشان أنا لسة زي ما أنا، العالم كله بيحبني، ومحدش أخد ولا هيقدر ياخد مكاني.. بدرية طلبة ملكة الكوميديا في مصر والوطن العربي غصب عنك”.

وقالت بدرية طلبة في برنامج البخت: مفيش حد قعد على ترابيزة نفسنة أعلى من بدرية..  وربنا إدهاني واتحطيت في برنامج نفسنة وبعدها جت إعلانات وبقى في أعلى نسبة مشاهدة.

وصرحت بدرية طلبة خلال البرنامج  عن حملة منع محمد رمضان: "أشك في الموضوع لأن أهل إسكندرية قلوبهم طيبة وجدعان جدًا، والكلام ده مش عشان إسكندرية بلدي".

وتابعت: "أنواع الدعاية، وممكن الشركة تكون مسئولة عن الدعاية في حفلة محمد رمضان وقامت بالحملة كثيرة لأنه نزل أسكندرية والناس استقبلته إستقبال حلو".

واختتمت: "مفيش الكلام ده، أهل إسكندرية بيشيلوا الضيف على دماغهم، وأنا لسه راجعة من إسكندرية، وشوفت محمد رمضان معدي والشباب بتجري وراه، وأهل الإسكندرية بعيد تمامًا عن معاداة أي فنان، ومحمد رمضان طول الوقت في الساحل وهو جزء من إسكندرية".