حلت السيدة لبنى زوجة الفنان الراحل حسن الأسمر ضيفة في برنامج " الوسط الفني " الذي يقدمة الإعلامي أحمد عبد العزيز على قناة " الحدث اليوم" وأوضحت خلال اللقاء تفاصيل اللحظات الأخيرة في حياته وسر رفضه رؤية أبنائه في المستشفى.
وقالت:" في يوم وفاته كان نازل يصلي ويقابل واحد صاحبه وابنه حاول يروح معاه لكن رفض واتأخر واتصلت عليه قالي أنا بجيب زبادي وجاي".
وتابعت :"وبعد كدا اتأخر واتصلت عليه لقيت التليفون مقفول وكلمني حد قالي إنه في العباسية واتصلت عليه قالي أنا جاي ورجع البيت شغل التليفزيون ولقيت عنيه حمرا وهو كان مهمل في دوا الضغط".
وأضافت السيدة لبنى "الساعة 6 الصبح لقيته ماسك قلبه وبيجري في الشقة وطلعت بيه على أقرب مستشفى وكلمت مدير أعماله وروحنا مستشفى تانية وكلمت أخواته وعرضت عليه أكلم ولاده يشوفوه رفض".
والجدير بالذكر أن الأسمر توفى في 7 أغسطس 2011 إثر أزمة قلبية عن عمر يناهز 52 عامًا.