كشفت البلوجر "منة داغر" زوجة الممثل الشاب "حازم ايهاب " جمهورها من خلال الاستورى فى موقع تبادل الصور والفيديوهات "انستجرام" عن سخرية أحد المتابعات لها بعد اكتشاف إصابتها بErb's palsy.
وقالت: "في حاجة مستفزاني فحبيت أشاركها معاكم ,في واحدة بعتالي مسدج بتقولي ,هاي منة أنا عارفة إن انتي عندك Erb‘s palsy بس كده"
وتابعت منة أن هذا المرض يتسبب في حالة عصبية في الكتف والذراع تؤدي إلي ضعف أو فقدان وظيفة العضلات .
وأضافت منة : "أنا عندي مشكلة في دراعي الشمال , وانا بتولد الدكتور شدني وهو بيولد امي من ايدي الشمال جامد , فحصلي مشكلة في ايدي الشمال فمبقتش زي ايدي اليمين , ولا في حركة ولا في الشكل ولا في اي حاجة "
تابعت منة داغر " وعلى فكرة في ناس كتير جدا عندها المشكلة دي يمكن هي بس بتختلف من حد لحد وبتختلف خطورتها , في ناس ممكن متبقاش باينة اوي ,تبقي حاجة بسيطة ومش مأثرة علي حركتهم اوي , وفي ناس تانية بتبقي باينة جدا , ومأثرة علي شكل ايديهم وعلي حركتهم وعلي كل حاجة" .
وأكملت منة حديثها "بس يعني قصدي إنه حسيت اني مخبية سر , أصل ايه المشكلة انه يكون عندي Erb‘s palsy " .
ووجهت منة لجمهورها رسالة " تقبلوا الحاجات اللي عندكم ياجماعة , واتبسطوا وعادي , ايه المشكلة يعني؟ عندي مشكلة في ايدي الشمال وشكلها مش زي ايدي اليمين عادي , ربنا مدينا حاجات تانية حلوة وجميلة".
تابعوا أخبار بلدنا اليوم على Google News
