شقيقه بيهددني.. أبرز تصريحات والد زوجة حسن شاكوش

الاحد 07 مايو 2023 | 01:37 مساءً

حسن شاكوش وريم طارق

كتب : لينا غالي

حرص والد ريم طارق، زوجة مطرب المهرجانات حسن شاكوش،التعليق على طرد بنته من بيتها، مشيرا إلى أنها تتعرض إلى التهديد من قبل شقيقه.

قال طارق السيد في برنامج “الحكاية” الذي يقدمه الإعلامي عمرو أديب على قناة MBC مصر:" نشكر ربنا إنه عافانا، كان فيه اختلاف في وجهات النظر، وبنتنا مش قادرة تكمل معاه، بقالهم شهرين متجوزين، الاختلاف في أسلوب الحياة والطباع والحمد لله إنه ظهر بدري، هي رفضت الوضع اللي شافته، طلعها من البيت وخد كل حاجتها حتي حاجتها الشرعية؛ الدهب بتاعها والقائمة بتاعتها".

أشار طارق السيد، والد ريم زوجة حسن شاكوش، عن تفاصيل الخلافات التي حدثت خلال الفترة الماضية بين حسن شاكوش وابنته.

قائلا: “المشاكل بدأت في نصف رمضان وهي مشاكل عائلية وما أحبش أتكلم فيها، كلامه إنها كانت متجوزة قبل كدة ده كذب، ولو صح يعمل فينا بلاغ والمحامي بتاعه أقر إن كلامه مش صحيح”.

موضحا:" أنا عندي بلاغ للنائب العام حسن شاكوش له أخ اسمه موسى بعت لي فويس بيتهم كل سيدات مصر إنهم أقاموا علاقة بشقيقه وهددني إنه يفضح بنتي".

وتابع: "بنتي حالتها أقسم بالله العظيم ممتازة، واللي قالته لي مينفعش أقوله على الملأ، احنا بنستر بناتنا، معندناش وقت للكلام الفاضي".

وأكد: "حسن شاكوش لم يطلق ابنتي رسميا حتى الآن، ولكن زي ما دخلنا بالمعروف نخرج بالمعروف، ولكن تهديد أخوه بفضح بنتي والتهشير بيها ده مانقبلهوش، ولو القرار بإيدي أرفض الصح مع حسن شاكوش".

بداية أزمة حسن شاكوش وزوجته

بدأت الأزمة بين حسن شاكوش وزوجته بتحرير ريم طارق زوجة حسن شاكوش محضرًا ضد زوجها داخل أحد مراكز الشرطة بالجيزة، بعدما تعرضت للطرد والضرب وسرقة المنقولات والاستيلاء على إيصال أمانة وشبكتها، ما دفع جهات التحقيق لإحالته إلى النيابة العامة.

وكشفت ريم طارق، عن تأخرها في البلاغ أملا في الصلح بينهما، إلا أنه بعث رسالة لها برغبته في إنهاء العلاقة الزوجية، وحررت على الفور محضرًا له اليوم وطلبت إثبات الحالة، وتحرر محضر بالواقعة وأحاله المقدم أحمد السويركي، رئيس مباحث أكتوبر، إلى النيابة التي تولت التحقيق.

وقام حسن شاكوش بالرد على جميع الإتهامات الموجه إليه، قائلًا:" يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل ايه يمكن اهل بيتي وفريق عملي واقرب الناس ليا أتاذوا من الحوار ده بس بما إنه ا شاركت جمهوري بشئ جارح بالشكل ده كل اللي اقدر اقولوا الحمد الله علي نعمة السكوت والعقل وقت المشكلة الحمد الله علي كل شئ".