هالة صدقى : نجاحى فى مسلسل جعفر العمدة بسبب محمد سامى

أوضحت الفنانة هالة صدقى، إن السبب الرئيسي في نجاح مسلسل جعفر العمدة، يرجع إلى مخرج وكاتب العمل محمد سامي.

وقالت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "محمد سامي كلمني في الصيف، وقالي يا هالة أنا قاعد بفكر في شخصية ومش شايف حد فيها غيرك أنتي، قالي هو دور لواحدة ست أم لاتنين كبار في السن، قولتله أنا مش عندي مشكلة، وأنا عملت دور رمضان قبل كدة، قولتله ممكن نعمل ده بالميكب والإضاءة، رديت على محمد سامي قولتله أنا موافقة يلا نشتغل".

وتابعت: "الإضاءة لعبت دور مهم جدا في تغيير ملامح صفصف، كان في ضبط بين الميكب والإضاءة، علشان منحسش أنه ميكب بجد، هو تأكيد على الملامح والخطوط اللي في الوش".

وأستكملت: "وأنا بقرأ الاسكريبت كنت حاسة إن الدور مش هو اللي أنا عاوزاه، اللي مكتوب على الورق حاجة، والتنفيذ حاجة، سألني محمد سامي، بتثقي فيا ولا لا، قولتله بثق فيك، هو عنده بعد نظر، وكان طول التصوير يقولي أنتي مش عارفة صفصف دي هتعمل إيه مع الناس".

مسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جورى بكر، طارق النهرى، أحمد عبد الله، إحسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر برعاية المتحدة للخدمات الإعلامية.