وجه مطرب المهرجانات الشعبية حسن شاكوش، رسالة شديدة لحمو بيكا بعد تصريحاته التى أثارت الجدل، مؤكدًا أنه ليس لأحد فضل عليه في الوسط الفني، وأنه فقط ممتنع عن الحديث حتى يوجه تركيزه على أعماله الفنية فقط.
وقال حسن شاكوش في لايف عبر حسابه الشخصي بموقع تيك توك: اللي هيطلع بعد كدة ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت.
وتابع: أي حد هيطلع يجيب سيرتي في أي برنامج أنا مابعتمدتش حد في الشغلانة دي ومش معنى كدة أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف.
وأضاف: أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك.
حمو بيكا مع العرافة
قال مؤدي المهرجانات حمو بيكا، إن حفل زفاف المطرب حسن شاكوش لم يتكلف 4 مليون كما ادعى، مشيرًا إلى أن الأخير كذب من أجل ركوب التريند.
وقال حمو بيكا، خلال حواره مع الإعلامية بسمة وهبة، مقدمة برنامج "العرافة" على قناتي "المحور" و"النهار"، : "فرح حسن شاكوش متكلفش 4 مليون جنيه ده كذاب، اتكلف 300 ألف جنيه.. وفرحي اتكلف 50 ألف جنيه وبعد ما عملت جمعية".
وواصل:" أنا وقفت في فرح حسن شاكوش للآخر، وهو بيقول كل الناس مخدتش فلوس بس الله أعلم محدش يعرف حاجة، أومال هو صرف الـ 4 مليون على إيه، وفي مطربين خدوا منه فلوس لكن الفنان تامر حسني مخدش فلوس وهو شخص طيب".
وأضاف حمو بيكا: :"حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل.. ومديرين أعماله بيسوحوه".
تابعوا أخبار بلدنا اليوم على Google News
