نشر الناقد الفني عبد الله غلوش البوستر الرسمي للجزء الثالث من مسلسل المداح وذلك عبر صفحته الشخصية بموقع التواصل الاجتماعي"فيسبوك" وعلق:"المداح 3 مش سهل تعمل نفس المسلسل 3 سنين ورا بعض وكل سنة تنجح أكتر من اللي قبلها، بل وتضيف لجمهور المسلسل جمهور جديد مكنش متابعك قبل كده".
وأضاف:"لازم صناع الدراما يقفوا شوية قدام ظاهرة المداح ويحللوا أسباب نجاحه بالشكل ده، وإن كان السبب الأهم من وجهة نظري هو أن صناع المسلسل مركزين في نفسهم وبس ومش شاغلهم غير نجاحهم وبس وعشان كده يتغير مهما يتغير عليهم من نجوم كل سنة ولا بيهزهم أو يفرق معاهم اللي يمشي يمشي ، والجديد يجي ويدخل ع التراك على طول وكأنه معاهم من أول موسم".
واختتم :"تحيه للثلاثي أمين جمال ووليد أبوالمجد وشريف يسري لأنهم بعد أكتر من 68 حلقه من المسلسل لسه محافظين على ايقاعه، تحيه للمخرج أحمد سمير فرج اللي قادر يخضنا كل حلقة أكتر من اللي قبلها، وتحية للنجم حمادة هلال اللي بدأت اقتنع أنه مخاوي فعلا، واللي كل ما أشوفه على الشاشة لازم افتكر مقولة : اللي يراضي أمه ربنا يراضيه ويحبب حصا الأرض فيه".
تابعوا أخبار بلدنا اليوم على Google News
