تصدرت الإعلامية ياسمين عز، تريند محرك البحث جوجل بعد تصريحاتها في حلقة أمس من برنامجها "كلام الناس" والمذاع عبر قناة "mbc مصر" عن السيدات السوريات وهجومهن عليها.
علقت ياسمين عز، على هجوم السيدات السورية عليها قائلة: "إمبارح كنت بوجه رسالة للسيدات السوريات وبقولهم سيبي فرعونك ياكل وينبسط وفوجئت بعدها بهجوم كبير".
وأضافت ياسمين عز: "تطلع واحدة تقولي معندناش فرعون هنا عندك انتي ده كلام، الجملة دي قدرتي تقوليها لي ده حتى عيب على تاريخي أغلط فيما يخص الفرعون".
وتابعت: "أنا أقصد لو إنتي سورية متجوزة فرعون مصري هتقولي له يا فرعوني، ولو متجوزة سوري، إحنا بنتكلم عن عكيدك يؤبر قلبك، هتقولي له إيه، يا ابن عمي، يا تاج راسي، العكيدي أبوشهاب راح، العكيدي أبوعصام، الجنرال راح، الجنرال جه ده اللي عندكم".
وأكملت ياسمين عز عن الرجل السوري: ليه مش فرعون؟، عشان هو حلاوة وأدب زهرة حلب.
كما أنها واجهت هجوم كبير من نساء مصر أيضًا بعد قولها: "مينفعش تكلمي جوزك في التليفون وانتي حافية لازم تكلميه وحاجة في رجلك عشان لو كلمتي جوزك وانتي حافية الكلام هيطلع من رجلك لكن لو انتي لابسة حاجة في رجلك الكلام هيطلع من قلبك".
ووجهت كلامها للمخطوبين وقالت" كل يوم قبل ما تكلمي خطيبك تلبسي لبس خروج ودبلتك وجزمتك أم كعب لأنه أهم من صحبتك إلى بتلبسيلها أحلى لبس ولازم حاجة تخشخش في ايدك أنوثة عالية وتشمري كمك".
تابعوا أخبار بلدنا اليوم على Google News
