انتهت رحلة جميلة..أول تعليق من السناريست أحمد عاطف بعد نهاية مسلسل بالطو

نجح مسلسل بالطو منذ عرض حلقته الأولى في جذب قاعدة جماهيرية كبيرة من مختلف الفئات، ونال دعم وتأييد من نجوم الفن، واحتفت العديد من البرامج التلفزيونية بصناع هذا العمل و لم يفقد الجمهور شغفه بالمسلسل ومايرويه من أحداث ومايناقشه من أفكار حتى نهاية الحلقة الأخيرة التي عرضت أمس.

وعلق الكاتب أحمد عاطف عبر صفحته الشخصية بموقع التواصل الاجتماعي"فيسبوك" : النهاردة كانت آخر حلقتين من مسلسل بالطو، انتهت رحلة جميلة عشتها كمؤلف وسيناريست لأول مرة فى حياتى أنا مبعرفش أقول كلام حلو وخايف أنسى أسامى، بس بجد أنا بشكر من قلبى كل حد كان سبب إن المسلسل ده يظهر للنور وكل حد شارك فى العمل ده وأداله من طاقته وتركيزه عشان يطلع بالشكل اللى كلنا بنتمناه

وأضاف:"وشكرا جدًا كمان ليكو أنتو عشان أديتوا للمسلسل جزء من وقتكو واتمنى مايكونش وقتكو راح على الفاضى،وبالنسبة بقى للناس اللى بتسألنى من الصبح " إيه اللى جوه الأوضة المقفولة ؟ " إن شاء الله بكرة الساعة 11 بليل هعمل بوست أقولكوا ايه اللى جوه الأوضة بالظبط احترامًا ليكو ولـ حبكو ده، ملحوظة طبعا مفيش بوست ولا حاجة، أنتو إزاى صدقتوا أنى ممكن أحرق حدث مهم زي ده !،أنتو فاكرنى عاطف بتاع المسلسل ولا إيه ؟! انتو إزاى جاتلكو فكرة انكو تسألونى أصلا ؟".

أبطال مسلسل بالطو

يعد العمل من بطولة عاصم عمر، ومحمود البزاوي، ومحمد محمود، ومحمود حافظ، وعارفة عبدالرسول،والمسلسل ومأخوذ عن رواية «بالطو وفانلة وتاب»، ومن قصة وسيناريو وحوار أحمد عاطف، وإخراج عمر المهندس.