القضاء يثأر للفنان محمد الشقنقيري.. والآخر يتوعد بالانتقام من السوشيال ميديا والإعلام

أعرب للمرة الأولى الفنان محمد الشقنقيري، عن غضبه مما تعرض له الفترة الماضية من قيام سيدة بالتشهير به وإدعائها أنها تعرض للإزاء النفسي والجسماني منه.

قال "الشقنقيري" خلال منشور قام بنشره عبر حسابه الشخصي على موقع التواصل الإجتماعي "فيسبوك": "أنا مرضتش اتكلم في المشكلة إلي حصلت إلا بعد ما القضاء يقول كلمته".

و أضاف الفنان محمد الشقنقيري، حقيقي شيء موسف جدا انك تضطر تاخد رد فعل عنيف كده مع أي حد خصوصا لو واحدة ست في قضية زي دي بس كمية الكدب و الأفلام إللي اتعملت كانت أكتر من أن أسيبها من غير ما أخد رد فعل قانوني".

واستكمل: "أنا التزمت الصمت تماما و لجأت إلي القضاء و رفعت قضية من شهر ٦ إللي فات وبعد تحريات النيابة و الأدلة التي قدمتها و التي بتثبت كذب ادعاء المتهمة تم تحوليها للقضاء و تم الحكم عليها و تم إثبات أن كل الكلام الذي قامت المتهمة بنشره هو كذب و تلفيق".

واستطرد، الساده الصحفيين اللي بيكلموني عشان يعرفوا اللي أنا قدمته في النيابة أنا بعتذر جدا لأن السوشيال ميديا مش المكان اللي الواحد بياخد حقه فيه و التصريح الوحيد اللي عندي قلته".

وقال الشقنقيري: إن أنا كنت راجل مطلق و أعزب و لن أخوض في عرض أي شخص ظهر معي أثناء فتره طلاقي، لكني لم أتزوج أي امرأة و لا رسمي و لا عرفي و لا حتي شفوي في حياتي إلا زوجتي، و للاسف برضة إني دي لسه أول قضية و هي إثبات كذب كل ما تم نشره علي السوشيال ميديا و لسه المتهمة ستواجه ٣ تهم آخري و ٣ قضايا آخري و هم الإبتزاز و السب و القصف و التعويض".

و أكد، حاليا مطلوب القبض علي المتهمة من جهة تنفيذ الأحكام، لأن مافيش حد بيقول إنه متجوز بشوية صور، و طبعا ده غير أن المتهمة حكت حوالي ٥ قصص مختلفة مرة قالت عرفي و مرة رسمي و مرة قدام مأذون و مرة قدام محامي و كل ده متسجل في تحريات النيابة، اللي بيجوز لازم يكون في عقد أو أي ورقة لكن حد خرج مع حد كام مرة ده مش إسمه جواز، و أنا مغلطش في حق أي حد لا صورت حد و فضحته و لا شتمت حد و لا اتجوزت وأنكرت، و إذا كان في طرف حب يخرب حياتي بشوية كذب لما عرف إن أنا و مراتي رجعنا لبعض فدي مشكلته هو.

وأنهى، اخيرا أنا بعتذر للناس اللي اضايقوا و بشكر كل الناس المحترمة اللي استنوا لحد ظهور الحكم عشان يتكلموا في الموضوع و اخيرا سوف يتم اتخاذ الاجراءات  القانونية ضد أي شخص أو منصة أو جريدة تنشر أي أخبار متعلقة بهذا الموضوع دون أي دليل قضائي أو دون الرجوع إلى، و أظن أن بعد حكم المحكمة مافيش كلام تاني.

حكم للفنان محمد الشقنقيري

الفنان محمد الشقنقيري