قال الفنان محمد رشاد انا كنت شايف إني ممكن أغني كل حاجة لحد ما دخلت برنامج "آراب أيدول"، وكل الناس كانت عاوزة تغني لعبدالحليم وأم كلثوم ومفيش حد خالص كان عايز يغني شعبي، جاء ذلك خلال سهرة غنائية خاصة على شعبي اف ام والسهرة من تقديم تامر جابر وهاجر جميل على شعبي إف إم.
وأضاف أمي هي اللي اختارت إني أغني "ما بلاش اللون ده معانا"، ودي كانت أول أغنية أغنيها في الحلقات الأولي من برنامج "آراب أيدول"، وكنت بهرب في البداية من الإمضاء مع شركات الإنتاج واهتميت بالحفلات والأفراح .
وتابع بحب غناء التترات أوي، وبشوف إنه رزق من ربنا وخير كتير بالذات لما ينجح، ومن زمان نفسي أغني تترات رمضان والحمدلله ربنا كرمني بيها.
وعن دراسته فقال درست تجارة إنجلش وبعدها دخلت الأكاديمية البحرية وبعدها قدمت في معهد الموسيقي العربية ونجحت.
واختتم قائلا قدمت في برامج كتير بس والدي كان عاوزني أشتغل بشهادتي، و عاوز أقول ربنا يحفظ لي أمي وخطيبتي، وعلى المستوي الاجتماعي ربنا يزيد حب الناس ليا وربنا يكرمنا كلنا في ٢٠٢٣.
نرشح لك: جواهر: الأغنية اللي مابتتسمعش في الميكروباص ماتبقاش ناجحة
تابعوا أخبار بلدنا اليوم على Google News
