قالت الفنانة رنا رئيس ان خطيبها يسري طلب أيدها من والدتها وفوجئت بوجوده في البرنامج مع أستاذة مني الشاذلي، وعلقت أنا ويسري بنحب بعض من 7 سنين وشوفنا كل حاجة مع بعض، وهو دايما بيدعمني في شغلي، جاء ذلك خلال لقاءها في برنامج في حتة تانية تقديم دنيا صلاح عبدالله على ميجا إف إم.
وأضافت جت لي فرصة أقدم برنامج بس رفضت، كنت عاوزة أمثل من وأنا عندي 4 سنين بس أمي كانت رافضة علشان الدراسة، وبدأت في 2017 بعد إقناع ومحايلة كتير أوي.
وعن أول العروض اللي جت لها: كان مسلسل "وضع أمني"، ومسلسل "أرض جو"، والإتنين في نفس السنة، وعن أول مشهد ليها عدته 6 مرات وأكتر مشهد عدته في حياتي كان 43 مرة!
وتابعت كنت مرعوبة جدا من دوري في مسلسل "ليالينا 80 " والمخرج أحمد صالح كان مؤمن بيا جدًا، و كنت بتعامل مع أهلي في البيت وأنا مغمية عيني علشان اتعود علي دوري في مسلسل "ليالينا 80% ".
وعن أصعب المشاهد التى صورتها قالت، أصعب مشهد عملته في مسلسل "نجيب زاهي زركش"، هو أول مشهد ليا قدام دكتور يحيي الفخراني، و أستاذ ياسر جلال إنسان مريح جدا وجميل، واحتواني في مسلسل "ضل راجل".
واختتمت قائلة أبويا وجدي توفوا وأنا بصور في خلال 24 ساعة، و بتمني الرضا والسكينة والسعادة لأهلي ودي أمنيتي كل سنة.
تابعوا أخبار بلدنا اليوم على Google News
