لم أكن أحب والدي ولن أعود للتليفزيون.. أبرز تصريحات محمود سعد

ظهر الإعلامي الكبير محمود سعد، لقاء عبر موقع التدوينات القصيرة "تويتر" مع الكاتب تامر عبده أمين، عبر حسابه الرسمي.

نرشح لك: اليوم.. لطيفة تطرح أغنية "ملحوقة" على يوتيوب

وأطلق محمود سعد، عددًا من التصريحات النارية خلال اللقاء، ويبرز لك "بلدنا اليومط أبرزهم.

- أنا قدمت في حياتي بتاع 15 استقالة منهم مجلة الكواكب مكانتش من تجاربي الكويسة ومكنش ينفع أرفضها ولكن كان لازم أخوض التجربة.

- بالنسبة لإمكانية عودتي في التليفزيون لن أعود مرة أخرى.

- علاقتى بوالدى لم تكن الأفضل بالنسبة لى وكانت سيئة وأنا لم أحبه ولكنى أحترمه، خاصة فى مرحلة الصغر وقد تحدثت فى هذا الأمر كثيرًا.

- والدي ترك والدتي منذ الصغر وكانت فترة عصيبة بالنسبىة لي وفي الخارج يجبرون الزواج على منح طليقته نصف أمواله في حالة الطلاق.

- أعتبر نفسى من أسعد الإعلاميين الذين تركوا التليفزيون ولن أعود مرة أخرى ويمكنهم الحصول على المادة الخاصة بي عبر اليوتيوب، وهذا يسعدني أن يرى الجمهور كل فيديوهاتي.

-  لم أحلم بمكانتي الحالية، الحياة مشيت بيا في سكك متعرجة كتير خدتني في أماكن مش مخطط لها. 

- خطط لإثبات وجودي في مهنة اخترتها.

- أنا خريج آداب تاريخ واخترت المهنة دي، والمهمة كانت في غاية الصعوبة.

- الجماهير طلبوا مني برنامجًا جديدًا و طلبوا عودتي للشاشة، واتوصل إلي اتفاق مع المسئولين عن قناة النهار لعودة البرنامج من جديد.

- البرنامج سيكون له شكل وقالب جديد، "اللي بنعمله في السوشيال ميديا هنذيعه في التليفزيون".

- عودتي للبرنامج تاني هيعمل لي نوع من أنواع الالتزام بعد سنة ونص من عدم الظهور على الشاشات.

- كان هدفي بحديثي عن علاقتي بوالدي بسيط إن الناس لما تسمع الحكاية دي تاخد بالها ومتتكرش، وبالفعل اتلقيت رسائل من ناس قالولي إنهم مروا بنفس اللي مريت بيه، وأمهات كتير ارتاحوا للتعبير عن مشاكلهم مع أزواجهم، لأن المشكلة دي موجودة في المجتمع بشكل شرس ومش عايزين ده يحصل تاني.

- الراجل لما يعوز يسيب مراته هو حر ومحدش يقدر يلزمه، ولكن الولاد والقسوة وقلة القيمة والحاجة، بتبقى حاجة صعبة جدًا جدًا، بره فيه قانون لو عايز تطلق امشي بس هات نص فلوسك، احنا عايزين قوانين بالشكل ده، عايزين ننال حظنا من التغيير ده.

- مش بقول على أبويا بس بقول على حال ناس كتير، الصحافة الصفراء وظفتها بطريقة مش مظبوطة.

-  أنا مكنتش بحبه ولكني كنت بحترمه، مسألة الحب حاجة تانية، أنا مش عايز حاجة منه هو الله يرحمه، وقولتله الكلام ده قبل ما يتوفى، فيه أبهات ممكن يكون معهمش فلوس، ولكن فيه طبطبة واهتمام.