قال الدكتور محمد الناظر استشاري الأمراض الجلدية والتناسلية، عبر صفحته الرسمية على موقع التواصل الإجتماعي "الفيسبوك"، قائلاً: حبيت أحذر الناس من التعامل مع أمازون مصر.
وأكمل الناظر، اشتريت تليفونين، ولما وصل أول واحد قررت أرجعه, فقدمت طلب للاسترجاع، حتي وصل المندوب وأخد التليفزيون بعلبته حتى لن يشيل البلاستك من عليها، ولكن أمازون مارجعوش الفلوس، وتواصلت معاهم، قالولي الفلوس هترجع خلال أسبوعينب عد اسبوعين مارجعتش، كلمتهم قالولي احنا اسفين جدا يومين وهترجع
وبعد يومين.
وأردف الناظر: قالولي احنا ما اخدناش منك حاجة، ومالكش فلوس عندنا، وعندنا في السيستم انك مارجعتش التليفون، فلو عاوز ترجعه نقدم لك طلب استرجاع...
بقول للموظف طيب انا بقول لك انا رجعته، هل فيه اجراء اعمله؟ قال لي انا ماليش دعوة، انت عندي مارجعتلناش حاجة.
واستطرد: أما التليفون التاني، بعد كذا يوم فوجئت بمندوب أمازون جاي بيديني علبة بفتحها لقيت فيها مصحف بقول للراجل انا طالب تليفون، قال لي اعمل طلب استرجاع، سمعت الكلام وعملت الطلب، وبردو مارجعوش الفلوس.
وأوضح الناظر، بعد 3 اسابيع اتواصلت معاهم، قالولي طيب هنحقق في الموضوع، ولكن مافيش أي حاجة حصلت، فالحمد لله لا أخدت التليفونين وأمازون اخدت الفلوس، وخدمة العملا بتقول لي اخبط راسك في الحيط، طبعا بعتذر اني بكتب الكلام ده هنا، بس حبيت أوصله لأكبر عدد من الناس.
تابعوا أخبار بلدنا اليوم على Google News
