سهير جودة تعلق على أزمة مسلسل ميجان وهاري الوثائقية

علقت الإعلامية سهير جودة، على إثارة الجدل التي تسبب فيها المسلسل الوثائقي للأمير هاري وزوجته ميجان ماركل، والذي يعرض حاليا عبر إحدى المنصات العالمية، قائلة: «في تساؤلات كثيرة جدا على السوشيال ميديا، هل ميجان شبه ديانا، وهل ميجان حبيبة حقيقية وقصة حب بجد، ولا فيها إدعاء وبحث عن بطولة ومجد شخصي، هاري و ميجان مسلسل وثائقي لكن عامل جدل كبير في العالم كله».

اقرأ ايضا:هاني الناظر: جدري القرود غير موجود في مصر والمريض يحتاج راحة أسبوعين.. فيديو

وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «في غضب كبير من البريطانيين ومن القصر، لأنهم شايفين محاولة لتمزيق التقاليد الملكية العائلية.. ايه هو الجديد اللي بيقدمه العمل الوثائقي؟ والانتقاد الكبير من الانجليز بيقول : ليه كنتوا بتهربوا من الصحافة وعايزين خصوصية و دلوقتي بتبيعوا خصوصياتكم ب100 مليون دولار، وبتكشف اسرار عيلتك و تسخر من القصر».

واشارت سهير جودة: «ميجان دي شخصية غريبة جدا، احنا تعاطفنا معاها في الاول عشان هي بنت عادية وبتتجوز الأمير، والأمير بيحبها، وانا بشوف انها ممثلة متواضعة جدا، و مش شايفة انها ضحت بحاجة، و اللي اختارته عشان الحب مينفعش تتاجر و تساوم بيه دلوقتي وتقولي انا سبت وسبت عشانه».

وتابعت سهير: «لو كانت هي مشاعر حقيقة مش هتحتاج تعمل الضجة دي كلها لأنها إتجوزت الأمير و اتنازل عن القابه الملكية عشانها.. إيه اللي بتحاول توصل له بكل البكائيات دي؟ مجد شخصي؟ قبل ما بتدخل اي مكان بتبقى عارف تقاليد.. طالما اخترت كن قد اختيارك! ».

https://fb.watch/huTRvJS2Ma/