كشفت الفنانة أمل رزق، عن سبب انفصال ابنتها والفنان محمد الشرنوبي، قبل أكثر من 6 سنوات.
وقالت أمل رزق، خلال لقاء تليفزيوني: "دعيت في الكعبة قولت لو فيه خير يقربه لو في شر يبعده وبتمنى لها إن ربنا يسعدها ويوفقها أصل دي بنتي الكبيرة أول واحدة يعني أول فرحتي وهي طيوبة خالص خالص خالص وبيور خالص خالص.. فأنا داعيت من قلبي".
وأضافت: "ولادي من قلبي بدعيلهم فكانت لسه مخطوبة حبيبة قلبي فقولت يارب لو فيه خير تقربه لو في شر تبعده.. وتقدملها كل خير لإن دي حتة من قلبي ما اتمناش لأي حد في الدنيا هي وولادي طبعًا كلهم إن حد يبقى أسعد منهم بأمانة يعني.. عمري ما اتمنيت لأي حد طول عمري بحب الناس كلها بس ولادي أكتر حد في العالم”، لترد عليها مقدمة البرنامج قائلة: “أكيد مفيش غيرهم ومالهومش غيرك ورجعتي الدعوة رشقت".
وتابعت: "وأنا في الطيارة قالتلي مامي هقولك خبرين واحد حلو وواحد وحش.. أول خبر كان جايلها شغل مع حد هي عايزاه يعني فيلم تقريبًا.. وقالتلي كذا وأنا والشرنوبي انفصلنا.. قولتلها اللي فيه الخير يقدمه ربنا وقدر الله وما شاء فعل.. واللي انتي مقتنعة بيه واللي انتي عايزاه أنا في ضهرك.. وقفلت الموضوع ده تمامًا وهي قفلته تمامًا خالص".
يذكر أن أخر أعمال الفنانة أمل رزق، مسرحية "زقاق المدق" المأخوذة عن رواية الأديب نجيب محفوظ، وضمت المسرحية العديد من الفنانين منهم دنيا عبد العزيز، بهاء ثروت، مجدي فكري، بثينة رشوان، شمس، كريم الحسيني، أحمد صادق، سيد جبر، عبد الله سعد، حسان العربي، سيد عبد الرحمن، ومجموعة أخرى كبيرة من الفنان والوجوه الشابة، رؤية درامية وأشعار محمد الصواف، إخراج واستعراضات عادل عبده.
تابعوا أخبار بلدنا اليوم على Google News
