قال الرئيس عبد الفتاح السيسي إن قدرات الدولة الاقتصادية لا تسمح بتقديم الخدمة المرجوة للمواطنين، وإن "الدولة إمكانياتها كده.، وإن كان حد يقدر يعمل حل ييجي وأنا أبقى سعيد بيه".
وأكد السيسي، خلال مداخلة تليفزيونية، مع الإعلامي يوسف الحسيني، أنه في 2013 لو ما فيش إيد حديد كانت الناس اللي في الشارع اتدبحت، وما كانش حد يقدر يرفع صوته، لولا فيه جيش قوي وقادر، وأنا كنت شاهد عيان في كل شيء.
وأوضح الرئيس السيسي أن الاختلاف في الرأي مهم، ولكن الاختلاف في الفهم يمثل مشكلة، قائلا: كفى ما حدث في عام 2011، ولم يظهر أحد في 2013، تركتوها حتى احترقت كلها، ولم يستطع أحد الوقوف.
وتابع "قدمت أكثر من 3000 شهيد وما يقرب من 13 ألف مصاب، وهذا دوري الذي مكنني منه الله، أنا كنت رئيس الاستخبارات ومسؤول عن الأمن، وكنت أرى ما كان يحدث، والإعلام يقوم بعمل سياق.. سياق إعلامي وفكري، ولا يمكن العودة مرة أخرى إلى الخلف".
وعن مشكلة التعليم قال: تطوير التعليم يحتاج 250 مليار جنيه حتى يكون لائقا بالمصريين، وأنت بتدي للمدرس 3000 و4000 جنيه هتاخد منه إيه في التعليم، ولما نتكلم عن المواطن الغلبان اللي هو 60% و70% وبيدخل ابنه مدارس حكومية يعمل إيه.
وشدد الرئيس على أنه يجب أن نكون أمناء ومخلصين لبلدنا، واللي بيتكلم دلوقتي عن التعليم مدخل ولاده مدارس حلوة وما يعرفش حاجة عن التعليم.
وأكمل السيسي: اللي شايف إن عنده القدرة لحل الملفات يتفضل وأنا هاساعده، البلد ظروفها في حتة وكلام الآخرين في حتة تانية خالص.
تابعوا أخبار بلدنا اليوم على Google News
