شاهد كيف علق محمود سعد على إدمان شيرين عبد الوهاب للمخدرات

قال الإعلامي محمود سعد، تعليقا على أزمة الفنانة شيرين عبد الوهاب، في بث مباشر له على صفحته الرسمية في "فيسبوك": "عندما نرى فنانة مشهورة مثل شيرين وصوت جميل، تقع في المطب ده وحصل قبل كده كتير، من غير ذكر أسماء، لا بد أن تكون حكاية شيرين عبد الوهاب، دافع لبداية مقاومة هذا التيار".

وأشار محمود سعد إلى أن هذا الأمر "موجود ويحدث كل يوم وشفنا نماذج كتير ومشاهير كتير راحوا في الوبا وماتوا نتيجة المخدرات، فما بالنا بالناس اللي مستواهم على أدهم.. ولما يكون فيه غلط، نعالج المترتب على الغلط وبعدين نشوف الغلط حصل منين وإزاي، لأن المجتمع فيه خلل كبير في مكان في العالم ومش عندنا بس".

وأكد بقوله: "عندنا مصحات كثيرة جدًا تعالج الإدمان ولا تعلن عن نفسها.. ادعموا المصحات، مثل الأعمال الخيرية في بناء مدرسة أو جامع أو كنيسة أو غيرها، وعندما نرى فنانة مشهورة مثل شيرين وصوت جميل، تقع في المطب ده وحصل قبل كدة كتير، نقول طب والناس الغلابة اللي ابنها ينزل الشارع وياخد الحاجات اللي بـ10 و20 جنيها، ويطلع يضرب ويقتل ويعمل مشاكل دول مرضى، ولازم كلنا كمجتمع نحتضن الموضوع ده".

ونصح بقوله: "لما نسمع أن ابن فلانة وقع في الإدمان نساعدها ونقدم لها علم أو مكان يتعالج فيه أو المساعدة المادية أو النفسية، لأن دول مرضى وكلنا معرضين للحكاية دي، وفي أي سن".