سهير جودة: الستات أنواع واللي بتقول إنها مضحية مبتزة عاطفيا

تناولت الإعلامية سهير جودة، فكرة عدم تعاطف الأبناء مع الأم المضحية، بقولها: "فيه بعض من الأجيال الجديدة تيجي تقولي لها أنا ضحيت وأنا عملت، هما مش هيتعاطفوا معاكي أو بعضهم هيشوفك ضعيفة ولست قوية، وإن ما حدش أجبرك على كده".

وأضافت سهير، في برنامجها الستات، المذاع عبر قناة النهار، قائلة: "وبعدين في ستات كتير دلوقتي على السوشيال ميديا بيشيروا أنها هي الست الجامدة اللي بتعمل كل حاجة، وأنا مديرة المدرسة، وأنا مديرة البيت والحضانة، واضح إن الستات تعبوا من كتر الحاجات اللي بيعملوها".

وأوضحت أن "الستات أنواع، والنوع الأول هو مثل متن الكتاب، فإذا كان الاهتمام بالهوامش فلن يكون هناك عائلة، اذا انا عندي امرأة نفسيتها تتناسب مع المتن العام، بمعنى إنها مضحية، لأنها تريد ذلك، لان ذلك هو الأمر الطبيعي التي تريده".

وأكدت أن "الست هي رئيس مجلس إدارة والراجل ما ينفعش يبقى رئيس مجلس إدارة، الراجل تنفيذي، ولكن المرأة الناجحة هي اللي تكون رئيس مجلس إدارة بروح القائد، لا تعطي أوامر، وتعمل الحاجات صح زي ما هي شيفاها او اقرب للمثالية زي ما هي متوقعاها، ولكن بطريقة فيها حب وفيها فن".

وتابعت أن هناك نوعا آخر من الستات يدعى بالست الهامش، قائلة: "ليها كل الاحترام، وهي بتكون عايزة تنتمي لبيتها وأولادها وجوزها، وعايزة كمان تنتمي لنفسها، فيه جزء لنفسها هي عايزة تحققه، وبتفضل تجلد في نفسها أنها ليست الأم المثاليةط.

واستطردت أن هناك نوعا ثالثا من الستات تتمنى أن تكون متحررة، ولا تريد أن تنتمي لأي نوع من السابقين، هي دائما متمردة، لافتة إلى أنه يجب على الست أن تحدد إلى أي نوع تنتمي، مختتمة بالتأكيد على أن الست اللي بتقول إنها مضحية هي ست مبتزة عاطفيا.