صرح شقيق الفنانة شيرين عبد الوهاب عبر برنامج "الحكاية" مع الإعلامي عمرو أديب، والذي تحدث عن تعرض شيرين لمؤامره من قبل حسام حبيب وصديقتها سارة الطباخ ومحاميها.
وقال شقيق شيرين: "في ناس مش عايزنها تتعالج ولا عايزنها تبقى كويسة""أنا بستنجد بالرئيس عبد الفتاح السيسي، وبستنجد بالدولة، لازم الناس دي تبعد عنها"
وأستكمل "أنا أختي بتتعرض لعصابة، حاطينلها أبلكيشن تجسس على الموبايل، وواحدة صاحبتها مش عايز أقول أسمها، جايبلها شيخة بتاخد منها مئات الألاف"
وتابع متحدثاً عن تهديد حسام حبيب له قائلاً: "الولد دا عنده وسايط وعمال يهددنا، أنا مدخل شيرين المستشفى بقالها 3 أيام راح أمبارح بالتوكيل اللي هي عاملهوله رفع عليا قضية، مين اللي قالوا يرفع القضية".
بينما صرحت والدة شيرين مستعطفة المسؤولين لحماية ابنتها من حسام حبيب قائلة: "أنا بسترجاكوا تحموها من الولد دا".
واستكملت حديثها قائلة: "بقت كويسة ورجع تاني قلب حالها، بتقعد تشرب بليل هي وهو".
واستكملت أن عندما طلبت منها الذهاب للمستشفى أجابت قائلة: "قالت محدش ليه دعوة أنا عارفة أنا بعمل أي، هي مش دريانا، بقولها ولادك قالت لي مع السلامة هما كمان، في حد يقول على ولادة كدا".
تابعوا أخبار بلدنا اليوم على Google News
