سهير جودة: أعاني دائما من اكتئاب الفصول وفترة الشتاء مش شبهي

وجهت الإعلامية سهير جودة نصائح للبنات في يوم الفتاة العالمي، أنه لا بد أن يكون لديهم روح منطلقة وحيوية وبهجة بشكل مستمر، مؤكدة: «لازم نقرأ كويس جدا، نرجع نقرأ من الكتاب مش من الإنترنت، ونحب مسكة الكتاب والورق، ونمتن أن في في حياتنا مبدعين بيكتبوا ، وان احنا عارفين نتذوق، ونروح مهرجان الموسيقى العربية، نروح حفلات فيها موسيقى حلوة، نروح حفلات الأوبرا بكل أشكالها، نروح متاحف، نكتشف مصر القديمة وشارع المعز، ومسجد السلطان حسن، وجامع ابن طولون، كل دي تفاصيل حلوة جدا هتستمتعوا بيها وهتكتشفوا عبق التاريخ وهتفتخروا أنكم مصريين».

وأضافت سهير في برنامجها «الستات» المذاع عبر فضائية «النهار»، أنه ينبغي على الجميع تناول أكل صحي للحفاظ على صحتهم، وخاصة الفتيات، قائلة: «بلاش السكريات الكتير والمقليات الكتير، بلاش الوجبات السريعة اللي بنشتريها من بره، لأن الكالسيوم والسنان والشعر هيتأثروا بكل الكلام ده».

وأكدت سهير جودة، أنها تعاني دائما من اكتئاب الفصول، بسبب غروب الشمس مبكرا، مشيرة: «إنك تطلعي من مكان فجأة تلاقي الدنيا مظلمة، رغم إني كائن ليلي بس متفهميش ازاي أنا بحب الشمس، وطول عمري بتأثر بالكلام ده».

وتابعت سهير: «طول عمري الفترة اللي من بعد نهاية فصل الصيف إلى بداية فصل الشتاء أنا مبحبهاش، وطول فترة فصل الشتاء مبحبهاش وفترة مش شبهي خالص».