كشف المخرج رامي إمام خلال إستضافته في برنامج الحكاية مع الاعلامي عمرو إديب عن حالة الزعيم عادل إمام مطمئنا جمهوره قائلا: إحنا أتعودنا علي الشائعات بقت جزء من حياتنا وأنا ومحمد وسارة طول عمرنا بنتربي علي الشائعات، وهو عودنا علي كده وكان يقولنا مش عايزكم تزعلوا ولا تضايقوا ولا أي حاجة فأحنا أتعودنا علي أي شائعة تطلع.
كشف المخرج رامي إمام خلال إستضافته في برنامج الحكاية مع الاعلامي عمرو إديب عن حالة الزعيم عادل إمام مطمئنا جمهوره قائلا: عادل إمام الحمد لله زي الفل بيستمتع بحياته مع أولاده واحفاده بقاله كتير جدا مقعدتش معاهم, واضاف: عادل إمام عمل كل حاجة في الحياة, فلو فكر يعمل موضوع دلوقتي يقولي هاتلي يارامي موضوع يكون عاجبني فبما أنه عمل كل حاجة مش هينزل يشتغل او يعمل اي عمل لو مش مقتنع بيه, فقرر انه لو جه موضوع حلو هعمله.وعن عد اعماله قال: هو عمل حوالي 155 فيلم وبدايتا من 2010 لـ 2020 مسلسلات فدي حاجة مرهقة جدا ولحد دلوقتي انا بكلمه علي موضوع الشغل لكن صعب جدا تختار موضوع لعادل امام.
واستكمل ضاحكا : من حوالي شهرين قالي نفسي يبقي عندي كلب هاتولي كلب قولتله حاضر وبيلعب معاه ومبسوط بيه فهو مستمتع انه قاعد معانا هو مشفناش في حياته كتير ووالدتي شالت مسؤليه كبيرة فمن حقه النهاردة يقول انا عايز اقعد شوية.
تابعوا أخبار بلدنا اليوم على Google News
